ەلىمىزدە 9 مىڭنان استام قازاقستاندىققا ارنايى الەۋمەتتىك تولەم تاعايىندالدى. ول زەينەت جاسىنا دەيىن بەرىلەتىن بولادى. بۇل تۋرالى بۇگىن، 21 تامىزدا ۇكىمەتتىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«ارنايى تولەمدى تاعايىنداۋ ءۇشىن 55 جاسقا تولۋى جانە بجزق-دا كەمىندە 7 جىل مىندەتتى كاسىپتىك زەينەتاقى جارنالارىنىڭ بولۋى مىندەتتى شارت بولىپ سانالادى. بۇگىنگى تاڭدا زياندى ەڭبەك جاعدايلارىندا ۇزاق ۋاقىت جۇمىس ىستەگەن 9145 ازاماتقا 1,7 ملرد تەڭگەسوماسىنا ارنايى الەۋمەتتىك تولەم تاعايىندالدى. ارنايى تولەمنىڭ ورتاشا مولشەرى شامامەن 208 مىڭ تەڭگەنى قۇرايدى. قىزمەتكەرلەر جالاقىنى دا، ارنايى تولەمدى دە الۋدى جالعاستىرا وتىرىپ، دەنساۋلىققا زيانى از جۇمىسقا اۋىسا الادى، نەمەسە ولار زەينەتاقى تاعايىندالعانشا تولەم الا وتىرىپ، دەمالىسقا شىعا الادى»،—دەلىنگەن حابارلامادا.
ايا كەتەيىك، تولەم 4 كوزدەن – رەسپۋبليكالىق بيۋدجەتتەن، بىرىڭعاي جيناقتاۋشى زەينەتاقى قورىنان، جۇمىس بەرۋشىدەن جانە ءومىردى ساقتاندىرۋ كومپانياسىنان جۇرگىزىلەدى.
بۇعان دەيىن پرەزيدەنت قاسىم-جومارت توقاەۆتىڭ تاپسىرماسى بويىنشا زياندى ەڭبەك جاعدايلارىندا جۇمىس ىستەيتىن قىزمەتكەرلەردىڭ الەۋمەتتىك تۇرعىدا قورعالۋىن ارتتىرۋ جونىندەگى جۇيەلى شارالاردى ىسكە اسىرۋ ءۇشىن قازاقستاندا ارنايى الەۋمەتتىك تولەم ەنگىزىلگەن بولاتىن.
