Elımızde 9 myŋnan astam qazaqstandyqqa arnaiy äleumettık tölem taǧaiyndaldy. Ol zeinet jasyna deiın berıletın bolady. Būl turaly bügın, 21 tamyzda Ükımettıŋ baspasöz qyzmetı aitty, dep habarlaidy «Adyrna» tılşısı.
«Arnaiy tölemdı taǧaiyndau üşın 55 jasqa toluy jäne BJZQ-da kemınde 7 jyl mındettı käsıptık zeinetaqy jarnalarynyŋ boluy mındettı şart bolyp sanalady. Bügıngı taŋda ziiandy eŋbek jaǧdailarynda ūzaq uaqyt jūmys ıstegen 9145 azamatqa 1,7 mlrd teŋgesomasyna arnaiy äleumettık tölem taǧaiyndaldy. Arnaiy tölemnıŋ ortaşa mölşerı şamamen 208 myŋ teŋgenı qūraidy. Qyzmetkerler jalaqyny da, arnaiy tölemdı de aludy jalǧastyra otyryp, densaulyqqa ziiany az jūmysqa auysa alady, nemese olar zeinetaqy taǧaiyndalǧanşa tölem ala otyryp, demalysqa şyǧa alady»,—delıngen habarlamada.
Aiia keteiık, tölem 4 közden – respublikalyq biudjetten, Bıryŋǧai jinaqtauşy zeinetaqy qorynan, jūmys beruşıden jäne ömırdı saqtandyru kompaniiasynan jürgızıledı.
Būǧan deiın prezident Qasym-Jomart Toqaevtyŋ tapsyrmasy boiynşa ziiandy eŋbek jaǧdailarynda jūmys ısteitın qyzmetkerlerdıŋ äleumettık tūrǧyda qorǧaluyn arttyru jönındegı jüielı şaralardy ıske asyru üşın Qazaqstanda arnaiy äleumettık tölem engızılgen bolatyn.
