19 تامىزدا الماتى اۋەجايىندا ءبىر توپ جولاۋشى بۇلىك شىعاردى، دەپ حابارلايدى "ادىرنا" ۇلتتىق پورتالى.
Fly Arystan اۋە كومپانياسىنىڭ جولاۋشىلارى SMS-حابارلاماداعى قاتەلىكتەن رەيسكە كەشىككەن. ىزالانعان اۋەكومپانيانىڭ تۇتىنۋشىلارى اۋەجايدا زاتتاردى لاقتىرىپ، بۇلىك شىعارعان.
"الماتى-استانا رەيسى 09:05-تەن 09:25-كە كەشىكتىرىلگەن، بىراق جۇيەدەگى اقاۋعا بايلانىستى جولاۋشىلار رەيس 10:55-كە اۋىستىرىلعانى تۋرالى حابارلاما العان", - دەپ حابارلادى FlyArystan.
ىشكى ىستەر مينيسترلىگىنىڭ كولىكتەگى پوليتسيا دەپارتامەنتى جاعدايعا قاتىستى تۇسىنىكتەمە بەردى.
سول كۇنى رەيسكە كەشىككەن ايەل قىزمەتكەرلەردى بالاعاتتاعانى ايتىلۋدا. بۇل تۋرالى الماتى اۋەجايىنداعى جەلىلىك پوليتسيا ءبولىمىنىڭ قىزمەتكەرلەرى انىقتادى.
"كولىك پوليتسەيلەرى ايەلگە قاتىستى شارا قولدانىپ، ۇساق بۇزاقىلىق جانە بوتەننىڭ مۇلكىن قاساقانا جويعانى نەمەسە بۇلدىرگەنى ءۇشىن اكىمشىلىك ءىس قوزعادى", - دەلىنگەن حابارلامادا.
جينالعان ماتەريال سوتقا جىبەرىلەدى.
