الماتى قالاسىندا ءۇشىنشى تەمىرجول ۆوكزالىنىڭ قۇرىلىسى باستالادى. بۇل تۋرالى الماتى اكىمىنىڭ ورىنباسارى اسقار ءامرين مالىمدەدى، دەپ حابارلايدى «ادىرنا» ءتىلشىسى.
«جاڭا تەمىرجول پلاتفورماسىن سالۋعا ارنالعان اۋماق «قازاقستان تەمىر جولى» ۇلتتىق كومپانياسى» اق-عا تيەسىلى ماگيسترالدىق جەلىدە ورنالاسقان. ۆوكزال مادەنيەت شاعىناۋدانى ماڭىندا سالىنادى. پلاتفورمانى «قازاقستان تەمىر جولى» سالادى. ءبىزدىڭ باستى مىندەتىمىز – ەتج-دا ۆوكزال مەن ۆوكزال ماڭىنداعى الاڭدى قامتاماسىز ەتۋ بولدى. قازىر 2 اپتا بۇرىن جاريالانعان كولىك قاڭقاسىنا سايكەس تەحنيكالىق-ەكونوميكالىق نەگىزدەمەسى دايىندالىپ جاتىر. ءبىز ونىڭ مەرزىمىن 2026-2027 جىلدار دەپ قاراستىرىپ وتىرمىز»، – دەدى ول.
جاڭا تەمىرجول پلاتفورماسى جۇك جانە جولاۋشىلار اعىنىنىڭ ءبىر بولىگىن قايتا باعىتتاۋعا، سونداي-اق قوسىمشا جولاۋشىلار پويىزدارىن ەنگىزۋگە مۇمكىندىك بەرەدى، وسىلايشا قالانىڭ جول ينفراقۇرىلىمىنداعى كولىك جۇكتەمەسىن ازايماق.
ايتا كەتەيىك، جوبا بۇعان دەيىن دەيىن جاريالانعان بىرقاتار قۇجاتتا، سونىڭ ىشىندە وڭتۇستىك استانانىڭ 2040 جىلعا دەيىنگى باس جوسپارىندا قاراستىرىلعان ەدى.
