قوستاناي وبلىسىندا كوپقاباتتى ۇيلەردى كارىز سۋلارى باسىپ قالدى. بۇل تۋرالى جەرگىلىكتى «ناشا گازەتا» باسىلىمىنى Instagram پاراقشاسىندا جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، جەرتولەلەردى كارىز اعىنىمەن سۋ باسۋدىڭ الدىن الۋ ءۇشىن جەرگىلىكتى تۇرعىندار ۇيلەرىنىڭ جانىندا قۇم ۇيىندىلەرىن جاساۋدا.
ءۇي يەلەرىنىڭ ايتۋىنشا، بۇل ماسەلە كوپتەن بەرى شەشىلمەي كەلەدى، ال وقيعا بولعان كۇنى تەلەفون ارقىلى «توبىل» مكك شەبەرى عانا جاۋاپ بەردى. الايدا تەك 19 تامىز، دۇيسەنبىدە عانا كومەك كورسەتۋگە ۋادە ەتىلدى.
«ەلەۆاتورنايا كوشەسى، № 66 ۇيدە تۇراتىن ەر ادامدار بۇزىلعان كارىزبەن ءوز بەتىنشە كۇرەسەدى: ولار قۇم الىپ، جەرتولەگە ەنەتىن كارىز اعىندارىن تولتىرادى»، – دەدى جەرگىلىكتى تۇرعىن.
تۇرعىنداردىڭ پىكىرىنشە، ولاردىڭ اۋىلى ەكولوگيالىق اپاتتىڭ الدىندا تۇر.
كەيىنىرەك كەنتتە بۇكىل شاعىن اۋدان مەن ۆوكزال ماڭىنداعى الاڭ سۋ استىندا قالدى. سونىمەن قاتار، بىرقاتار كوپپاتەرلى ۇيلەردىڭ تۇرعىندارى زارداپ شەكتى.
