Қостанай облысында көпқабатты үйлерді кәріз сулары басып қалды. Бұл туралы жергілікті «Наша газета» басылымыны Instagram парақшасында жариялады, деп хабарлайды “Адырна” ұлттық порталы.
Ақпаратқа сәйкес, жертөлелерді кәріз ағынымен су басудың алдын алу үшін жергілікті тұрғындар үйлерінің жанында құм үйінділерін жасауда.
Үй иелерінің айтуынша, бұл мәселе көптен бері шешілмей келеді, ал оқиға болған күні телефон арқылы «Тобыл» МКК шебері ғана жауап берді. Алайда тек 19 тамыз, дүйсенбіде ғана көмек көрсетуге уәде етілді.
«Элеваторная көшесі, № 66 үйде тұратын ер адамдар бұзылған кәрізбен өз бетінше күреседі: олар құм алып, жертөлеге енетін кәріз ағындарын толтырады», – деді жергілікті тұрғын.
Тұрғындардың пікірінше, олардың ауылы экологиялық апаттың алдында тұр.
Кейінірек кентте бүкіл шағын аудан мен вокзал маңындағы алаң су астында қалды. Сонымен қатар, бірқатар көппәтерлі үйлердің тұрғындары зардап шекті.
