بۇگىن ورالدا «مەرەيلى وتباسى - 2024» ۇلتتىق بايقاۋىنىڭ وبلىستىق كەزەڭىنىڭ جەڭىمپازدارى ماراپاتتالدى.
جۇلدەگەرلەردى وبلىس اكىمى ناريمان تورەعاليەۆ قۇتتىقتادى.
- وبلىس بويىنشا 11 جىلدىڭ ىشىندە ۇلتتىق بايقاۋدىڭ كەزەڭدەرىنە 2 205 وتباسى قاتىستى. وعان قاتىسۋعا نيەت ەتۋشىلەر دە جىل سايىن ارتىپ كەلەدى.
بيىلعى بايقاۋدىڭ قالا جانە اۋداندىق كەزەڭىنە 205 ءوتىنىم ءتۇسىپ، 26 وتباسىنىڭ قۇجاتتارى وبلىستىق كەزەڭگە جولدانعان.
ارنايى قۇرىلعان كوميسسيانىڭ شەشىمىمەن 13 وتباسى وبلىستىق كەزەڭگە جولدانىپ، بۇگىن شارادا باس قوسىپ وتىرسىزدار.
ءار وتباسىنىڭ ءال-اۋقاتىن جاقسارتۋ - ادىلەتتى قازاقستاندى قۇرۋ جولىنداعى نەگىزگى مىندەتتىڭ ءبىرى.
وتباسى – مەملەكەت نازارىنان ەشقاشان تىس قالعان ەمەس. كەشەگى سۋ تاسقىنى كەزىندە، وبلىس بويىنشا زارداپ شەككەن وتباسىلارعا گۋمانيتارلىق كومەك بەرىلىپ، ءبىر رەتتىك جاردەماقىلار تاعايىندالدى. جالپى 1 383 تۇرعىن ءۇي جوندەلۋگە جاتسا، سونىڭ 1 310-ى جودەۋدەن ءوتتى. 775 جاڭا تۇرعىن ءۇيدىڭ قۇرىلىسى ءجۇرىپ جاتىر، - دەدى وبلىس اكىمى.
ءۇشىنشى ورىنعا اقجايىق اۋدانىنان قاتىسقان اجگاليەۆتەر وتباسى يە بولدى. ال ەكىنشى ورىن قاراتوبە اۋدانىنان كەلگەن بايتەمىروۆتەر وتباسىنا بۇيىردى. ورال قالاسىنىڭ اتىنان قاتىسقان حامزيندەر وتباسى جەڭىمپاز اتانىپ، استانا قالاسىندا وتەتىن رەسپۋبليكالىق كەزەڭگە جولداما الدى.
دينارا ناسىر
