وزبەكستاندا جالعىزباستى قارتتار مەن مۇگەدەكتىگى بار ادامدار قوعامدىق كولىكتە تەگىن جۇرە الادى. بۇگىن، 15 تامىزدا ولي ماجليس سەناتى زاڭناماعا ەنگىزىلگەن تۇزەتۋلەردى ماقۇلدادى، دەپ حابارلايدى «ادىرنا» ءتىلشىسى.
سونداي-اق ولار جوعالعان نەمەسە جارامدىلىق مەرزىمى ءوتىپ كەتكەن جەكە كۋالىكتەر مەن بيومەتريالىق پاسپورتتى اۋىستىرۋ كەزىندە مەملەكەتتىك باج تولەۋ سالىعىنان بوساتىلادى.
پارلامەنتتىڭ جوعارعى پالاتاسى ەلدە «ادام مۇددەسى بارىنەن جوعارى»ستراتەگياسى شەڭبەرىندە اۋقىمدى رەفورمالار جۇرگىزىلىپ جاتقانىن اتاپ ءوتتى.
ەسكە سالايىق، بۇعان دەيىن وزبەكستان پرەزيدەنتى شاۆكات ميرزيەەۆ تۇرعىن ءۇي-كوممۋنالدىق شارۋاشىلىق پەن ازىق-تۇلىككە اي سايىنعى وتەماقىنىڭ ورنىنا جالعىزباستى قارتتار مەن مۇگەدەكتەرگە ەڭ تومەنگى تۇتىنۋ شىعىسى كولەمىندە اي سايىنعى ماتەريالدىق كومەك كورسەتىلەتىنىن مالىمدەگەن ەدى.
