ماكينسك قالاسىندا جانە بۇلاندى اۋدانىنىڭ باسقا دا ەلدى مەكەندەرىندە سۋ قۇبىرى جەلىلەرىن قايتا قۇرۋ بويىنشا بىرنەشە ينفراقۇرىلىمدىق جوبالار جۇزەگە اسىرىلۋدا.
مەملەكەت باسشىسى قاسىم-جومارت توقاەۆتىڭ تاپسىرماسى بويىنشا جۇرگىزىلىپ جاتقان سۋ شارۋاشىلىعى ينفراقۇرىلىمىن كەشەندى جاڭعىرتۋ شەڭبەرىندە حالىقتى تازا اۋىز سۋمەن قامتاماسىز ەتۋ بويىنشا جۇمىستار قولعا الىنعان.
"ماكينسك قالاسىندا سۋ قۇبىرى جەلىلەرىن قايتا جاڭارتۋ وسى جىلدىڭ جازىنان باستالدى. بۇگىنگى تاڭدا قالانىڭ 8 كوشەسىندە قۇبىر تارتۋ جۇمىستارى اياقتالدى، 169 قۇدىق مونتاجدالدى، 12 شاقىرىمنان استام ابونەنتتىك قۇبىر سالىندى", - دەپ اتاپ ءوتتى بۇلاندى اۋدانىنىڭ قۇرىلىس ءبولىمى باسشىسىنىڭ مىندەتىن اتقارۋشى ەلكا جاريا.
ايتا كەتسەك، سۋ قۇبىرى جەلىلەرىن قايتا جاڭارتۋ جۇمىستارى اۋداننىڭ ەلدى مەكەندەرىندە دە جۇرگىزىلۋدە. ءتورت اۋىلدا ينفراقۇرىلىمدىق جوبالار اعىمداعى جىلى اياقتالادى، بۇل 2000-نان استام ادامدى ساپالى اۋىز سۋمەن قامتاماسىز ەتۋگە مۇمكىندىك بەرەدى.
