FlyArystan بورتىندا جۋرناليست ءلايلا سۇلتانقىزىنىڭ باسىنا اۋىر جۇك قۇلاپ كەتكەن، دەپ حابارلايدى "ادىرنا" ۇلتتىق پورتالى.
ول اۋە كومپانياسىنىڭ ۇستىنەن شاعىم تۇسىرگەن. ايتۋىنشا، FlyArystan قاۋىپسىزدىك شارالارىن ساقتاماعان جانە قىزمەتكەرلەر وعان قاجەتتى العاشقى مەديتسينالىق كومەك كورسەتپەگەن.
«مەن @flyarystan ۇستىنەن ارىز جازدىم! بۇگىن كەشكى 21:50 شاماسىندا KC7326 رەيسىمەن شىمكەنتتەن استاناعا ۇشىپ كەلدىم. ۇشاقتىڭ ەسىگى اشىلماي، تۇرىپ كەتكەن جانىمداعى جولاۋشىنىڭ ابايسىزدىعىنان بەتىمە ۇستىڭگى سورەدە تۇرعان اۋىر (قاتتى) زات، وتىرعان ماعان قۇلاپ، كوزىمنىڭ تۇسىن جىرىپ، قاباعىم جارىلدى. بۇل @flyarystan اۋەكومپانياسى قاۋىپسىزدىك شاراسىن ساقتاماعاندىقتان ورىن العان جاعداي. بورتسەرىكتەر مەن اۋەكومپانيانىڭ العاشقى كومەككە دايىن ەمەس بولعانىنا قاپا بولدىم! نە اپتەچكا، نە مۇز، نە سۋىق زات، نە قان توقتاتىن، نە سالفەتكا جوق" دەپ جازدى سۇلتانقىزى.
سونداي-اق، جۋرناليست ءوزىنىڭ ورنىندا قارت ادام نەمەسە كىشكەنتاي بالا وتىرىپ باسى جارىلسا جاعداي قيىنعا سوعار ەدى دەيدى:
"مەنىڭشە، ورنىمدا بالا، قارت ادام وتىرىپ، باسى جارىلسا، قاتتى جارالانسا، ميى شايقالسا، كوپ قان كەتسە جاعداي قيىن بولار ەدى. جاۋاپسىزدىق! ءار بورتسەرىك جولاۋشى ءمىنىپ-تۇسكەنشە ادام دەنساۋلىعىنا جاۋاپتى، العاشقى كومەك كورسەتۋگە مىندەتتى!»، – دەپ جازدى ءلايلا سۇلتانقىزى Instagram پاراقشاسىندا.
ءجۋرناليستىڭ قاباعى جارىلىپ كەتكەن. كەلگەننەن كەيىن وعان اۋەجايدا مەديتسينالىق كومەك كورسەتىلدى.
پوسموترەت ەتۋ پۋبليكاتسيۋ ۆ Instagram
