ورالعا ۇشقان «Air Astana» اۋە كومپانياسىنىڭ ۇشاعى قايتا اينالىپ، الماتىعا ورالدى، دەپ حابارلايدى "ادىرنا" ۇلتتىق پورتالى.
Flightradar24 سايتىنىڭ مالىمەتى بويىنشا، «Air Astana» اۋە كومپانياسىنىڭ KC881 رەيسى الماتىدان ورالعا ۇشىپ، كەنەت قايتا اينالىپ الماتىعا قونعان.
اۋە كومپانياسىنىڭ سايتىندا رەيستىڭ كۇيىن تەكسەرۋ كەزىندە ساعات 13.40-تا جوسپارلانعان رەيس جويىلىپ، 2 ناۋرىزدا ساعات 16.00-گە اۋىستىرىلعانى كورسەتىلگەن.
«Air Astana» اۋە كومپانياسى جاعدايعا قاتىستى جاۋاپ بەردى:
«بۇگىن KS 881 الماتى-ورال رەيسىن ورىنداعان «Air Astana» ۇشاعى جولاۋشىنىڭ جاعدايىنىڭ ناشارلاۋىنا بايلانىستى اۋەدەن ورالدى»، - دەپ ءتۇسىندىردى «Air Astana» ءباسپاسوز قىزمەتى.
اۋە كەمەسىنىڭ كومانديرى دارىگەرلەردى الماتى اۋەجايىنا شاقىردى. ۇشاق 15.10-دا قونىپ، ناۋقاس جولاۋشى جەدەل جاردەمگە جەتكىزىلدى.
