وتباسى ينستيتۋتى، گەندەرلىك تەڭدىكتى قامتاماسىز ەتۋ – مەملەكەتتىك ساياساتتىڭ اسا ماڭىزدى باسىمدىعىنا اينالىپ وتىر. بۇل تۋرالى شىمكەنت قالاسىندا وتكەن SEN 1-ءشى قازاقستاندىق جاس ايەلدەر فورۋمىنىڭ اشىلۋىندا شىمكەنت قالاسىنىڭ اكىمى مۇرات ايتەنوۆ مالىمدەدى.
قالا اكىمدىگىنىڭ قولداۋىمەن ۇيىمداستىرىلعان فورۋمنىڭ ماقساتى – جاس ايەلدەردى، قىز-كەلىنشەكتەردى ومىردە تابىسقا جەتۋگە ۇمتىلدىرۋ. فورۋم ۇيىمداستىرۋشىلارى «وزىڭە سەن، وتباسىڭا سەن، ەلىڭە سەن – سەنىڭ قولىڭنان ءبارى كەلەدى!» دەگەن ويدى جاستارعا جەتكىزۋدى كوزدەيدى.
- تىرشىلىككە ءمان سىيلايتىن ابزال جاندار، بۇل – ايەلدەر قاۋىمى. قازاق قىزدارىنىڭ تاريحتا قالدىرعان ءىزى از ەمەس. وسىنداي ارداقتى ارۋلارىمىزدىڭ داڭقتى جولىن سىزدەر ابىرويمەن جالعاپ كەلەسىزدەر، – دەگەن مۇرات دۇيسەنبەكۇلى شىمكەنت قالاسىندا ايەلدەر قاۋىمى ءۇشىن جاڭا مۇمكىندىكتەرگە كەڭىنەن جول اشىلعانىن اتاپ ءوتتى.
ايتا كەتەيىك، فورۋم قاتىسۋشىلارىنىڭ اراسىندا «بيزنەس ينكۋباتور» بايقاۋىنىڭ جەڭىمپازدارى، «اتامەكەن»، «دامۋ» كورپوراتسياسىنىڭ گرانت يەگەرلەرى، ءوزىنىڭ وتباسىلىق بيزنەسىن باستاعان كوپبالالى انالار بار. ءوز كەزەگىندە تابىستى، ىسكەر ايەلدەر ءوزىن ءوزى دامىتۋ، قارجىنى باسقارۋ، دەنساۋلىقتى كۇتۋ مەن جەكە ومىرگە قاتىستى پايدالى كەڭەستەرىمەن ءبولىستى.
فورۋما سپيكەرلەرىنىڭ قاتارىندا مەرۋەرت وتەكەشەۆا، مايرا مۇحامەدقىزى، ءلايلا سۇلتانقىزى، ارايلىم اۋەلبەكوۆا، حانزادا ەسەنوۆا، ايكا الەمي، جانيا دابىر سىندى كوشباسشى ايەلدەر بار.
فورۋمنىڭ ارنايى قوناعى – سكولكوۆو ماسكەۋ باسقارۋ مەكتەبىنىڭ پرورەكتورى، ايەلدەر باعدارلامالارىنىڭ ديرەكتورى مارينا كاربان قاتىسۋشىلارمەن ونلاين رەجيمدە تىلدەسىپ، قازاقستاندىق قىز-كەلىنشەكتەرگە ساتتىلىك تىلەدى.
بۇل فورۋمعا قاتىسۋشىلار جىل بويى سپيكەرلەرمەن تۇراقتى قارىم-قاتىناس ورناتىپ، ۇزدىك شىققان جاستار ماسكەۋ قالاسىنداعى سكولكوۆوعا شەبەرلىك سىنىپتارىنا جىبەرىلەتىن بولادى.
