الماتىدا كيبەرپوليتسيا قىزمەتى ارنايى وپەراتسيا جۇرگىزىپ، قىلمىستىق قۇرال-جابدىقتارى بار كەڭسە تابىلدى، - دەپ حابارلايدى "ادىرنا" ۇلتتىق پورتالى Polisia.kz سايتىنا سىلتەمە جاساپ.
ناتيجەسىندە 30 جاستاعى پاۆلوداردان كەلگەن ازامات ۇستالدى. ونىڭ جالعا العان كەڭسەسىندە 512 ۇيالى SIM-box, سونداي-اق 1620 سيم-كارتا تابىلدى.
«بۇل جابدىقتى ينتەرنەت-الاياقتار ءارتۇرلى ينتەرنەت-سەرۆيستەردى جانە مەسسەندجەرلەردە پايدالانۋ ءۇشىن قولدانادى، سونىمەن قاتار، ول ارقىلى الاياقتار كەيىننەن باسقا ەلدە جۇرگەندە قازاقستاندىقتارعا قوڭىراۋ شالاتىن اككاۋنتتاردى تىركەيدى»، - دەدى الماتى قالاسى پوليتسيا دەپارتامەنتىنىڭ باسشىسى ماقسات قاناپياەۆ.
ۇستالعان ازامات وسى جابدىقتى ورناتۋ جانە قوسۋ جانە مەزگىل-مەزگىل SIM كارتالارىن ۇياشىقتارعا اۋىستىرۋدان تۇراتىن جۇمىسقا كەلىسكەنىن ايتتى. قر قىلمىستىق كودەكسىنىڭ 213-بابى بويىنشا (ۇيالى بايلانىستىڭ ابونەنتتiك قۇرىلعىسىنىڭ سايكەستەندiرۋ كودىن، ابونەنتتi سايكەستەندiرۋ قۇرىلعىسىن قۇقىققا سىيىمسىز وزگەرتۋ، سونداي-اق ابونەنتتiك قۇرىلعىنىڭ سايكەستەندiرۋ كودىن وزگەرتۋگە ارنالعان باعدارلامالاردى جاساۋ، پايدالانۋ، تاراتۋ) بويىنشا قىلمىستىق ءىس قوزعالعانى ايتىلدى.
قازاقستان رەسپۋبليكاسى قىلمىستىق-پروتسەستىك كودەكسىنىڭ 201-بابىنا سايكەس تەرگەۋ مۇددەسىن كوزدەيتىن وزگە دە مالىمەتتەر جاريالانبايدى.
https://youtu.be/SHk6qvBafq4
ۇقساس جاڭالىقتار
