Jelide oblystyń mamandandyrylǵan tabıǵatty qorǵaý prokýrory Abylaı Bısqalıevtiń kúndiz mas kúıinde qala kóshelerin kezip júrgeni týraly vıdeo jarııa boldy, dep habarlaıdy "Adyrna" ulttyq portaly.
Facebook áleýmettik jelisiniń qoldanýshysy Aıbolat Bókenov beıne jarııalady. Onda BQO oblystyq mamandandyrylǵan tabıǵatty qorǵaý prokýrory Abylaı Bısqalıevtiń kúndiz mas kúıinde kezip júrgeni túsip qalǵan.
“Tabıǵatty qorǵaý prokýrory Abylaı Bısqalıev osylaı tur. Vıdeoda kórgenderińizdeı óz ózine ıe bola almaı qalǵan sekildi. Qorshaǵan ortany qorǵaıtyn prokýrordyń ózi qorshaǵan ortany búldirip júrse aıtarǵa sóz joq. Halyqqa ózi úlgi bolýdyń ornyna, mynanyń jasap júrgen isi uıatqoı”, – dep jazdy ol.
Sondaı-aq ol prokýrordyń birneshe ret zań buzǵanyn aıtty.
"Bul minez-qulyq onyń kásibı bedeline kúmán keltirip qana qoımaıdy, Qazaqstannyń zańnamasyn elemeıtinin kórsetedi. Prokýror birneshe ret zańdy buzdy. Bul áreketi onyń quzyreti men etıkasyna qatysty kúrdeli suraqtar týǵyzady", – dep jazdy Bókenov.
BQO prokýratýrasy osy jarııalanymǵa baılanysty qyzmettik tergeý júrgizilip jatqanyn jetkizdi. Onyń nátıjesi keıin habarlanady.
