Jelıde oblystyŋ mamandandyrylǧan tabiǧatty qorǧau prokurory Abylai Bisqalievtıŋ kündız mas küiınde qala köşelerın kezıp jürgenı turaly video jariia boldy, dep habarlaidy "Adyrna" ūlttyq portaly.
Facebook äleumettık jelısınıŋ qoldanuşysy Aibolat Bökenov beine jariialady. Onda BQO oblystyq mamandandyrylǧan tabiǧatty qorǧau prokurory Abylai Bisqalievtıŋ kündız mas küiınde kezıp jürgenı tüsıp qalǧan.
“Tabiǧatty qorǧau prokurory Abylai Bisqaliev osylai tūr. Videoda körgenderıŋızdei öz özıne ie bola almai qalǧan sekıldı. Qorşaǧan ortany qorǧaityn prokurordyŋ özı qorşaǧan ortany büldırıp jürse aitarǧa söz joq. Halyqqa özı ülgı boludyŋ ornyna, mynanyŋ jasap jürgen ısı ūiatqoi”, – dep jazdy ol.
Sondai-aq ol prokurordyŋ bırneşe ret zaŋ būzǧanyn aitty.
"Būl mınez-qūlyq onyŋ käsıbi bedelıne kümän keltırıp qana qoimaidy, Qazaqstannyŋ zaŋnamasyn elemeitının körsetedı. Prokuror bırneşe ret zaŋdy būzdy. Būl äreketı onyŋ qūzyretı men etikasyna qatysty kürdelı sūraqtar tuǧyzady", – dep jazdy Bökenov.
BQO prokuraturasy osy jariialanymǧa bailanysty qyzmettık tergeu jürgızılıp jatqanyn jetkızdı. Onyŋ nätijesı keiın habarlanady.
Ūqsas jaŋalyqtar
