المازبەك اتامباەۆ قاماۋعا الىندى

2855
Adyrna.kz Telegram

قىرعىزستاننىڭ بۇرىنعى مەملەكەت باسشىسى المازبەك اتامباەۆ پەرۆومايسكي اۋداندىق سوتىنىڭ شەشىمىمەن ۋاقىتشا ۇستاۋ اباقتىسىنا 26 تامىزعا دەيىن قاماۋعا الىندى. اتامباەۆ 8 تامىزدا ارنايى وپەراتسيا كەزىندە ۇستالعان. زاڭگەردىڭ ايتۋىنشا، ەكس-پرەزيدەنت قىرعىزستاننىڭ قىلمىستىق كودەكسىنىڭ 319-بابىن (جەمقورلىق) بۇزدى دەگەن كۇدىككە ىلىنگەنى تۋرالى ءىىم حابار بەرگەن. ازىرگە ۆەدومستۆو ەشقانداي تۇسىنىكتەمە ايتقان جوق. 7 تامىزدا قىرعىزستاننىڭ كوي-تاش اۋىلىندا ارنايى جاساق اتامباەۆتى ۇستاۋ وپەراتسياسىن جۇزەگە اسىرماق بولدى. الايدا بۇرىنعى مەملەكەت باسشىسىنىڭ جاقتاستارى ولارعا تويتارىس بەردى. ال 8 تامىزدا قۇقىققورعاۋشىلار تاعى وپەراتسيا باستاپ، 19.30-دا اتامباەۆتى ۇستادى. كەيىنىرەك نارازىلىق بىلدىرۋشىلەر كۇشپەن تارقاتىلدى. سوڭعى دەرەكتەرگە سۇيەنسەك، ەكى كۇندىك قاقتىعىس سالدارىنان 85 ادام زارداپ شەككەن، ارنايى جاساقتىڭ ءبىر ساربازى وق جاراقاتىنان كوز جۇمدى.

دەرەككوز: sputniknews.kz
"ادىرنا" ۇلتتىق پورتالى

پىكىرلەر