قازاقستان پرەزيدەنتى قاسىم-جومارت توقاەۆ ۇلتتىق قور قاراجاتىنىڭ بولىگىن التىنعا اۋىستىرۋ تۋرالى جارلىعىن ءتۇسىندىردى، - دەپ حابارلايدى Tengrinews.kz ءتىلشىسى.
"2 تامىزداعى جارلىعىما سايكەس ۇلتتىق قور قاراجاتىن قالىپتاستىرۋ جانە پايدالانۋ تۇجىرىمداماسىنا وزگەرىستەر ەنگىزىلدى. ەندى ۇلتتىق قوردىڭ جيناقتاۋشى اكتيۆتەرىندەگى التىننىڭ ۇلەسى 5%-عا دەيىن جەتەدى. بۇل ۇلتتىق قوردىڭ الەۋەتىن ساقتاپ، قورعاۋ ءۇشىن قاجەت", - دەپ جازدى پرەزيدەنت Twitter جەلىسىندە.
ەستەرىڭىزگە سالا كەتەيىك، بۇعان دەيىن توقاەۆ ۇلتتىق قور اكتيۆتەرىن ءار تاراپتاندىرۋ ساياساتىن جۇرگىزۋ تۋرالى جارلىققا قول قويعان. "جيناق قورجىنىنىڭ اكتيۆتەرىن ستراتەگيالىق ءبولۋ اكتيۆتەردى ءارتاراپتاندىرۋ ساياساتىن جالعاستىرۋعا باعىتتالعان جانە كونسەرۆاتيۆتى بولۋدەن (وبليگاتسيالارداعى 80 پايىز اكتسيالارداعى 20 پايىز) ۇزاق مەرزىمدى كۇتىلەتىن كىرىستىلىكتى ارتتىرۋعا باعىتتالعان تەڭگەرىمدى بولۋگە (وبليگاتسيالاردىڭ 60 پايىزى، اكتسيالاردىڭ 30 پايىزى، بالامالى قۇرالداردىڭ 5 پايىزىنا دەيىن جانە التىننىڭ 5 پايىزىنا دەيىن) كوشۋدى كوزدەيدى", - دەلىنگەن قۇجاتتا.
"ادىرنا" ۇلتتىق پورتالى
