الماتىدا ۇستىنە اعاش قۇلاپ، اۋىر جاراقات العان 19 جاستاعى سەلينا ابيتوۆا اۋرۋحانادا ەكى اپتا ەم قابىلداعاننان كەيىن كوز جۇمدى، دەپ حابارلايدى "ادىرنا".
№4 قالالىق كلينيكالىق اۋرۋحانانىڭ حابارلاۋىنشا، بويجەتكەن 27 ماۋسىم كۇنى مەديتسينالىق مەكەمەگە اسا اۋىر جاعدايدا جەتكىزىلگەن. ول انەستەزيولوگيا، رەانيماتسيا جانە قارقىندى تەراپيا بولىمىندە ەمدەلدى.
دارىگەرلەر ناۋقاستىڭ ءومىرىن ساقتاپ قالۋ ءۇشىن بارلىق قاجەتتى ەمدەۋ جانە رەانيماتسيالىق شارالاردى جۇرگىزگەن. سوعان قاراماستان، ەمنىڭ 14-ءشى كۇنى ونىڭ جۇرەگى توقتاپ قالعان. جۇرەك قىزمەتىن قالپىنا كەلتىرۋگە باعىتتالعان رەانيماتسيالىق ارەكەتتەر ناتيجە بەرمەي، دارىگەرلەر بيولوگيالىق ءولىمنىڭ تىركەلگەنىن مالىمدەدى.
ەسكە سالايىق، قايعىلى وقيعا ماۋسىم ايىنىڭ سوڭىندا الماتىدا بولعان. اعاشتىڭ قۇلاۋى سالدارىنان اۋىر جاراقات العان بويجەتكەن جەدەل تۇردە اۋرۋحاناعا جەتكىزىلىپ، دارىگەرلەر ونىڭ ءومىرى ءۇشىن كۇرەسكەن ەدى.
