Parijde ötıp jatqan Olimpiada oiyndaryna kelgen Almaty qalalyq sport basqarmasynyŋ basşysy Erden Hairullin kenetten qaitys boldy. Būl aqparatty QR Turizm jäne sport ministrılıgı de rastady, dep habarlaidy “Adyrna” ūlttyq portaly.
«Ökınışke qarai, Parijde Almaty qalalyq sport basqarmasynyŋ basşysy Erden Hairullinnen aiyrylyp qaldyq. Onyŋ kenetten jüregı toqtap, qaitys boldy», - dedı QR Turizm jäne sport ministrınıŋ qoǧammen bailanys jäne BAQ jönındegı keŋesşısı Dias Ahmetşärıp Kazinform tılşısıne bergen jauabynda.
Ol Parijge turist retınde barǧan.
Aita ketsek, Erden Raşidūly Hairullin 2009 jyly Q. Sätbaev atyndaǧy Qazaq Ūlttyq tehnikalyq universitetın «Avtomattandyru jäne basqaru» mamandyǧy boiynşa bıtırgen, 2011 jyly Q. Sätbaev atyndaǧy Qazaq Ūlttyq tehnikalyq universitetın «Ekonomika» mamandyǧy boiynşa tämamdaǧan jäne Azamattyq aviasiia akademiiasynyn aviasiia tehnikasy jäne tehnologiiasynyŋ magistrı därejesın alǧan.
2012-2019 jyldary Almaly audany äkımı apparatynda käsıpkerlıktı jäne önerkäsıptı damytu bölımınıŋ bas mamany, osy bölımnıŋ basşysy bolyp qyzmet atqarǧan.
2019-2022 jyldary Almaty qalasy Almaly audany äkımınıŋ orynbasary bolyp jūmys ıstegen.
2022 jyldyŋ mamyrynda Almaty qalasy Sport basqarmasynyŋ basşysy bolyp Erden Raşidūly Hairullin taǧaiyndalǧan
Ūqsas jaŋalyqtar
