ايگۇل ورىنبەك: بيلىك سوڭىنا دەيىن ارىستىقتارمەن بىرگە بولا الا ما؟!

2515
Adyrna.kz Telegram

قورعانىس ءمينيسترى ەرمەكباەۆ مىرزا!

ارىستىڭ جاعدايى ءالى دۇرىس ەمەس!
ارىس حالقى وسىنداي ابىگەرگە ءتۇسىپ ءابىرجۋى، جاۋاپسىز باسشى دايىندىعى جوق قىزمەتكەرلەردىڭ كەسىرىندە بولىپ وتىر. قازىرگى تاڭدا جۇمىسشىلار جەتىسپەي جاتىر. كوشەلەر قوقىسقا تولى، ۇيلەردىڭ كەيبىرى ۋاقىتىسىندا سالىپ بىتپەگەن. ۇيلەرىڭدى وزدەرىڭ تازالاڭدار دەگەن، ەر ازاماتتارى جوق كوپ بالالى ايەلدەر اۋىر شپال، تاقتايلاردى قالاي تازالايدى؟ ءبىر كىرپىش كوتەرىپ كومەك بەرسەدە ساربازداردى الدىرتىڭىز! حالىق ساندالىپ، جۋرناليستەر مەن ءبىز سياقتى قوعام بەلسەندىلەرىنەن كومەك سۇراۋدا.
قازىرگى تاڭدا اسكەردە قانشاما سارباز وتان الدىندا ءوز مىندەتتەرىن وتەۋدە. قازىرگى تاڭدا سوعىس جوق، تىنىش زامان. سول ساربازدار اسكەردە ءوز ۋاقىتتارىن جۇگىرۋمەن اتقارىپ جاتقان بولار. وتان الدىنداعى بورىشىن ارىسقا كومەك بەرىپ، جۇمىس قول كۇشى جەتپەي جاتقاندا، وسىندا ءبىر، ەكى اسكەري بولىمدەردىڭ ساربازدارىن اكەلۋگە بولمايدى ما؟
مىڭ سارباز اكەل دەپ ايتپايمىن، 200 سارباز اكەلسەڭىز وسىنداعى ءبىراز قارا جۇمىستاردى بىتەرى انىق!
قورعانىس قىزمەتىنىڭ سالعىرتتىعىن نەگە اكىمدىكتەگىلەر جانە قاراپايىم حالىق شەشۋ كەرەك؟
سالعىرتتىق پەن جاۋاپكەرشىلىكسىز ءىس سىزدەردەن بولدى ما؟ سوڭىنا دەيىن حالىقپەن بولىڭىزدار!

 

ايگۇل ورىنبەك

"ادىرنا" ۇلتتىق پورتالى

پىكىرلەر