ەۋرازيا ارناسىنىڭ كادرى اتىراۋداعى تەڭىز كەنىشىنىڭ جۇمىسشىلارى تاعى دا باس كوتەردى. بىراق بۇل جولى ولار ء"بىزدى جۇمىستان زاڭسىز شىعارىپ وتىر" دەپ نارازىلىقتارىن ءبىلدىرىپ جاتىر. باسقا جۇمىسقا تۇرا الماي ساندالىپ جۇرگەندەر دە بار ەكەن. ويتكەنى ولاردىڭ قايدان كەلگەنىن ەستىگەن وزگە فيرما باسشىلارى ايتقاندارىنا مۇلدەم قۇلاق اسپاي، ەسىكتى تارس جاباتىن كورىنەدى. بۇل تۋرالى ەۋرازيا ءبىرىنشى ارناسى حابارلايدى.
ەلدى ءدۇر سىلكىندىرگەن تەڭىز كەنىشىندەگى داۋدان كەيىن بارلىق قىزمەتكەرلەرگە دەمالىس بەرىلىپ، جۇمىس ۋاقىتشا توقتاتىلعان بولاتىن.
سول كەزدە وبلىس اكىمى نۇرلان نوعاەۆ كەلىپ، "قىزمەتىمىزدەن ايىرىلىپ قالامىز با دەپ" الاڭداعان جۇرتقا "قورىقپاڭىزدار، ءبارىن ءوز باقىلاۋىمدا ۇستايىمىن دەپ ۋادە ەتكەن ەدى" دەيدى. ەكى اي جۇمىسسىز وتىرعان جۇرتتىڭ ءۇمىتى كۇنى كەشە ءۇزىلدى. كومپانيا قىزمەتكەرلەرى جۇمىسشىلارعا حابارلاسىپ، كەلىسىم شارتتىن بۇزىلعانىن مالەمدەگەن. ەندى 200-گە جۋىق ادام نە ىستەرىن بىلمەي ساندالىپ ءجۇر. قالا تۇرعىنى جەتكەرباي كۇلىمجانوۆ ەسەڭگىرەپ قالعانىن ايتادى. ء"وزىمىز شوك بولىپ قالدىق مۇندايدى ەستىگەندە. الدىن كرەديت الىپ، ءۇي الىپ، ءسويتىپ جاساپ ەدىك. بالا-شاعامىز بار عوي ءبارىمىزدىڭ. ولاي بولمايدى عوي ءبىر كۇندە ءسويتىپ قىسقارتىپ جىبەرەتىن. الدىن الا ەسكەرتىپ ايتۋ كەرەك. وسىنداي بولادى، جاعداي وسىنداي دەپ", - دەيدى ول. "الدىندا تەنگيزدە كوتەرىلىس بولعان كەزدە، وبلىس اكىمى نۇرلان نوعاەۆ سول ءوزى ايتتى عوي، ەشقانداي جۇمىستان قىسقارتۋ بولمايدى، جۇمىستىڭ بارلىعى جۇرەدى دەپ. سوندا وسى اكىمنىڭ ءسوزى قايدا؟ بىزدە ايتقان ۋادەسى قايدا؟ ءبىز ەرتەڭ مىنا 200 ادام قايدان جۇمىس تابامىز؟ كۇزدىڭ ۋاقىتى، قىس تا جاقىنداپ كەلە جاتىر. جۇمىس بولمايدى دا عوي كوپ جەرلەردە", - دەيدى تاعى ءبىر تۇرعىن جاسلان قابدەشەۆ. تەلەارنا تىلشىلەرى ءمان-جايدى كومپانيا باسشىلىعىنان بىلمەك بولعان. بىراق ونداعىلاردى جۇمىس ورنىنان تابىلماعان. دەگەنمەن كەلىسىمشارتپەن بۇگە-شۇگەسىنە دەيىن تانىسقان ەڭبەك يسنسپەكتورى، بارلىعى دا زاڭ اياسىندا ءجۇرىپ جاتقانىن جەتكىزدى. "بۇلاردىڭ جاعدايى بويىنشا ەڭبەك شارتى بەلگىلى ءبىر جۇمىستىڭ اياقتالۋىنا دەيىن جاسالعان، ەگەر ونىڭ ۋاقىتى كەلگەن جاعدايدا جۇمىس بەرۋشى حابارلاما بەرىپ ەڭبەك شارتىن بۇزۋعا قۇقىلى", - دەيدى كەمەل يمانعاليەۆ، اتىراۋ وبلىسى مەملەكەتتىك ەڭبەك ينسپەكتسياسىنىڭ ءبولىم باسشىسى دەسە دە، ءبىر كۇندە ناپاقاسىنان ايىرىلعان جۇمىسشىلار مۇنىڭ زاڭدى ەكەنىمەن ەش كەلىسپەيدى. بۇل ىسكە تەز ارادا جەرگىلىكتى بيلىكتىڭ ارالاسقانىن تالاپ ەتىپ وتىر. ەسكە سالايىق، تەڭىزدە بيىل 29 ماۋسىمدا جاپپاي تارتىپسىزدىك بولعان ەدى. باستاپقىدا وعان WhatsApp ارقىلى تاراعان فوتو سەبەپ بولعان دەلىندى. وقيعا ساعات 11:00-دە "تەڭىز" ۆاحتالىق اۋىلىندا بولعان، "سohsolited Contracting Endihering and Prourement s.a. L Offshore (سسەر)" كومپانياسىنىڭ جۇمىسشىلارى جۇمىس ۋچاسكەسىنە جينالىپ، ليۆيا ازاماتى Eli Daoud-تىڭ جاقىندا جاريالاعان سۋرەتىنە قاتىستى نارازىلىقتارىن بىلدىرگەن، ونىڭ Whatsapp مەسسەندجەرىندەگى سۋرەتىندە قولىندا راتسيا ۇستاپ، انتەننانى ءبىر قىزعا باعىتتاپ تۇرعانىن كورۋگە بولادى. سالدارىنان 30 جۇمىسشى جاراقات الدى. كەيىن كومپانيانىڭ باس ديرەكتورى كاۋاش حيشام قازاقستاندىقتاردان كەشىرىم سۇراعان. الايدا كەيىن جەرگىلىكتى بيلىك جۇمىسشىلاردىڭ جالاقىسى شەتەلدىك جۇمىسشىلاردىڭ ەڭبەكاقىسىنان ەداۋىر تومەن ەكەنىن انىقتاپ، ەڭبەك جاعدايىن تەڭەستىرۋگە ۋادە بەرگەن. ماسەلەنى شەشۋ ءۇشىن كوميسسيا قۇرىلىپ، ونى وبلىس اكىمىنىڭ ورىنباسارى سەرىك شاپكەنوۆتىڭ باسقاراتىنى حابارلانعان.
دەرەككوز: kaz.tengrinews.kz
"ادىرنا" ۇلتتىق پورتالى
