قازاقستاندىقتار 4 تامىز كۇنى Tele2 مەن Altel وپەراتورلارىنداعى ينتەرنەت ماسەلەسىنە شاعىمداندى، دەپ حابارلايدى "ادىرنا" ۇلتتىق پورتالى.
بۇگىن ەلىمىزدە تەلە2 مەن Altel بايلانىس وپەراتورلارىندا بايلانىس ءسونىپ، ينتەرنەت قولجەتىمسىز بولدى. ال جەلى قولدانۋشىلارى ينتەرنەتتەگى اقاۋ ەلىمىزدىڭ وڭتۇستىگى مەن استانادا دا تۋىنداعانىن ايتىپ، شاعىم ءبىلدىردى.
"شىمكەنت، Tele2-دە ينتەرنەت مۇلدە ىستەمەيدى. ءۇش ساعات بولدى. ءبىر ساعاتتان بەرى التەلدە ينتەرنەت جوق. ءتىپتى حابارلاما دا كەلمەيدى", – دەپ جازدى جەلى قولدانۋشىلارى.
سونداي-اق، Tele2-دەگى بايلانىس ماسەلەسى تاراز بەن الماتى قالالارىندا دا بىرنەشە ساعاتقا سوزىلعان. ال وپەراتوردىڭ قولدانۋشىلارى سall-ورتالىقپەن دە بايلانىسا الماعانىن ايتىپ، شاعىم ءبىلدىردى.
تاريف باعاسى مەن ءتيىمدى ۇسىنىستار تۋرالى ءجيى حابارلاما جولداپ، اقپارات بەرەتىن تەle2 مەن Altel بايلانىس ماسەلەسىنە قاتىستى ەشقانداي اقپارات ۇسىنبادى. تەك Instagram جەلىسىندەگى وپەراتورلاردىڭ جاساندى بوتى ساۋال جولداعان قولدانۋشىعا عانا ينتەرنەتتىڭ جارتىلاي وشىرىلگەنى تۋرالى حابارلاعان.
الايدا تەحنيكالىق اقاۋعا نە سەبەپ بولعانى ايتىلمادى.
"قۇرمەتتى ابونەنت، قازىر ينتەرنەت جارتىلاي وشىرىلگەن. ءبىزدىڭ ماماندار جاعدايدى تۇزەتۋ ءۇشىن قولدان كەلگەندى جاسايدى", – دەلىنگەن حابارلامادا.
Tele2 وپەراتورىنىڭ رەسمي سايتىندا تاريفتەر باعاسى 990 تەڭگەدەن باستالىپ ء(بىلىم), 6590 تەڭگەگە دەيىن شارىقتايتىنى كورسەتىلگەن. ال حالىق:
"اي سايىن 5 مىڭداپ تاريف تولەيمىز. بىراق Tele2-دە بايلانىس ءجيى بولماي قالادى", "قالانىڭ سىرتىنا شىعا قالساڭ ءبارى وشەدى، "تاريفتەر باعاسى قىمبات، ال ساپاسى تومەن" دەپ جارىسا جازۋدا.
"ادىرنا" ۇلتتىق پورتالىنىڭ Telegram ارناسىندا جاريالانعان ساۋالناما بويىنشا داۋىس بەرگەن 74 ادامنىڭ 53% ەل اۋماعىندا بايلانىستىڭ ناشار ۇستايتىنىن ايتادى. ال 47%-ى ينتەرنەت قىزمەتىنە كوڭىلى تولاتىنىن جەتكىزگەن.
