قازاقستان رەسەيمەن بەلگىلى بوكسشى دميتري بيۆولدىڭ بۇرىنعى ايەلى ەكاتەرينا بيۆولعا ىزدەۋ سالۋ ءىسى بويىنشا بايلانىس ورناتتى. بۇل تۋرالى بۇگىن، 13 قاراشادا ىشكى ىستەر ۆيتسە-ءمينيسترى سانجار ءادىلوۆ ايتتى، دەپ حابارلايدى «ادىرنا» ءتىلشىسى.
«تەرگەۋ جالعاسىپ جاتىر. حالىقارالىق ىزدەۋ جاريالاندى. سىرتتاي قاماۋعا الۋ تۋرالى شەشىم قابىلداندى. ءبىز رەسەي فەدەراتسياسىنىڭ پوليتسيا قىزمەتكەرلەرىمەن بايلانىستامىز. ەگەر بيۆولدىڭ جۇبايى ۇستالعان جاعدايدا، باس پروكۋراتۋرا ارقىلى اقپارات الامىز نەمەسە ەكستراديتسيا ماسەلەسىن شەشەمىز»،-دەدى ول.
ەسكە سالايىق، 27 قازاندا قىرعىزستان سوتى بوكسشى دميتري بيۆولدىڭ بۇرىنعى ايەلىن ۇلتارالىق ارازدىق قوزدىردى دەگەن ايىپپەن قاماۋعا الۋ تۋرالى شەشىم شىعارعان ەدى. ال 31قازاندا قازاقستاننىڭ ىشكى ىستەر مينيسترلىگى ەكاتەرينا بيۆولعا ىزدەۋ جاريالاعان. تەرگەۋ دەرەگىنشە، ەكاتەرينا بيۆول الەۋمەتتىك جەلىدە قازاق جانە قىرعىز حالقىن قورلاپ، بالاعات سوزدەر ايتقان. بۇل فاكتى بويىنشا قىلمىستىق ءىس قوزعالدى.
