قاڭىراپ تۇرعان كينو ءۇيىنىڭ قيراندىسىنىڭ ورنىندا ءبىر توپ كينوگەر تۇنەككە باتقان قازاق كينوسىنىڭ پروبلەمالارىن ماي شامنىڭ جارىعىمەن تالقىلادى.
ءححى عاسىردا، "ونەر، ءبىلىم بار جۇرتتار" ايعا قونىپ، مارسقا ۇشىپ جاتقاندا بۇل نە قىلعان ماي شامنىڭ جارىعى دەۋلەرىڭىز مۇمكىن، قادىرلى كورەرمەن. "باسقا تۇسسە باسپاقشىل" دەمەكشى، قامقورلىقسىز قالعاندىقتان قاراڭعىلىق جايلاعان ۇلتتىق كينو شىن مانىندە مايشام داۋىرىنە ياعني XlX عاسىرعا قاراي شەگىنگەن جايى بار. كينو ءۇيىننىڭ ەلەكتر جارىعىنسىز قالۋى – وسى سۇمدىقتىڭ سوراقى نىشانى.
"كينو ءۇيىنىڭ" قيراندىسىنىڭ ورنىندا باس قوسقان ءبىر توپ كينوگەر ۇلتتىق كينو توڭىرەگىندەگى قازىرگى كۇردەلى احۋالعا بايلانىستى وسى سالانىڭ كاسىبي وكىلدەرى رەتىندە وزدەرىنىڭ وي-پىكىرلەرىمەن ءبولىسىپ، ۇلتتىق كينو اينالاسىندا بولىپ جاتقان جاعدايلارعا وبەكتيۆتى باعا بەردى.
دوڭگەلەك ۇستەلگە قاتىسقاندار:
اداي ءابىلدا، انيماتسيا رەجيسسەرى، قازاقستان كينوگەرلەر وداعىنىڭ توراعاسى،
قانات تورەباي، كينوپروديۋسەر، قر ەڭبەك سىڭىرگەن قايراتكەرى،
دانيار سالامات، كينو رەجيسسەر، حالىقارالىق شانحاي كينوفەستيۆالىنىىڭ باس جۇلدەگەرى،
ەلزات ەسكەندىر، كينو رەجيسسەر، حالىقارالىق پۋسان كينوفەستيۆالىنىڭ باس جۇلدەگەرى
ءارى بي-بەك ءور التاي، ستسەناريست، كينو رەجيسسەر، باكۋدە وتكەن حالىقارالىق "قورقىت اتا" كينوفەستيۆالىنىڭ باس جۇلدەگەرى، جانىبەك نۇربەكۇلى، انيماتسيا رەجيسسەرى، ەرلان تولەۋتاي، ستسەناريست، ونەرتانۋشى، "قازاقانيماتسيا" شب رەداكتورى، دوڭگەلەك ۇستەلدىڭ مودەراتورى
