بۇگىن، 3 تامىز كۇنى تەمىرتاۋ قالاسىندا 6 جاسار بالا ءۇشىنشى قاباتتىڭ تەرەزەسىنەن قۇلاپ كەتتى. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، تەمىرتاۋ قالاسىندا ەرەسەكتەردىڭ قاراۋىنسىز قالعان 2018 جىلى تۋعان بالا 3-قاباتتاعى پاتەردىڭ تەرەزەسىنەن قۇلادى.
ەر بالا ءتۇرلى جاراقاتتارمەن اۋرۋحاناعا جاتقىزىلدى.
كوپ قاباتتى ۇيلەردىڭ تەرەزەلەرىنەن بالالاردىڭ قۇلاۋىنا بايلانىستى جازاتايىم وقيعالاردىڭ الدىن الۋ ماقساتىندا تجم ەسكەرتەدى:
- بالالاردى قاراۋسىز قالدىرماڭىز!
- بالالار بار پاتەرلەردىڭ تەرەزەلەرىن ارنايى قورعانىس قۇرىلعىلارىمەن جابدىقتاڭىز!
- بالا ونى ءوز بەتىنشە اشا الماۋى ءۇشىن تەرەزە تۇتقالارىن قۇلىپتاڭىز!
- ەشقاشان موسكيت تورلارىن قولدانباڭىز، بالالار ولارعا سۇيەنىپ قۇلايدى!
- بالانىڭ تەرەزەگە كوتەرىلۋىنە جول بەرمەۋ ءۇشىن جيھازدىڭ بارلىق تۇرلەرىن تەرەزەلەردەن الىستاتىڭىز!
