قر عىلىم جانە جوعارى ءبىلىم مينيسترلىگى مەن ۇلتتىق تەستىلەۋ ورتالىعىنىڭ الەۋمەتتىك جەلىلەرىندە 2024-2025 وقۋ جىلىنا ارنالعان ءبىلىم گرانتى يەگەرلەرىنىڭ ءتىزىمى جاريالاندى, دەپ حابارلايدى “ادىرنا” ۇلتتىق پورتالى.
مەملەكەتتىك گرانتتار رەسپۋبليكالىق كوميسسيا وتىرىسىنىڭ قورىتىندىسى بويىنشا تاعايىندالدى. كوميسسيا قۇرامىندا قر پارلامەنتىنىڭ دەپۋتاتتارى، مۇددەلى مەملەكەتتىك ورگانداردىڭ، بiلiم سالاسى كاسiپوداقتارىنىڭ، قر ۇلتتىق كاسiپكەرلەر پالاتاسىنىڭ، قر جوعارى وقۋ ورىندارىنىڭ اسسوتسياتسياسىنىڭ جانە قوعامدىق ۇيىمداردىڭ وكىلدەرى بولدى.
«ءبىر گرانتتىق ورىنعا ەڭ ۇلكەن كونكۋرس «ستوماتولوگيا» بببت بويىنشا بولدى. بۇل ماماندىق بويىنشا 35 تالاپكەر ءبىر ورىنعا تالاستى. ارى قاراي «حالىقارالىق قاتىناستار جانە ديپلوماتيا» (11 ادام), «دەنە شىنىقتىرۋ مۇعالىمدەرىن دايارلاۋ» (10 ادام), «اۋدارما ءىسى» جانە «پسيحولوگيا» (9 ادام) بولدى.
گرانتقا ۇمىتكەرلەر اراسىندا بالدار تەڭدىگى جاعدايىندا باسىم قۇقىققا يە بولاتىن 22 مىڭنان استام تالاپكەر، ولاردىڭ ىشىندە «التىن بەلگى» يەگەرلەرى، حالىقارالىق جانە رەسپۋبليكالىق وليمپيادالاردىڭ جەڭىمپازدارى، وقۋ ۇزدىكتەرى بار. سونداي-اق، گرانتتاردى ۇيلەستىرۋ بارىسىندا الەۋمەتتىك وسال ساناتتاعى بالالاردىڭ كۆوتالارى ەسكەرىلدى»، - دەلىنگەن حابارلامادا.
جوعارى وقۋ ورىندارىنا قۇجاتتاردى تاپسىرۋ 25 تامىزعا دەيىن جۇزەگە اسىرىلادى.
