Almaty oblysyna qarasty Jambyl aýdanynyń Qarǵaly aýyldyq okrýgi ákiminiń apparaty jasyryn daýys beretin kabına jasaýǵa 3 607 142 teńge qarjy bóldi, dep habarlaıdy “Adyrna”ulttyq portaly satypalu.gov.kz saıtyna silteme jasap.
Atalǵan memlekettik satyp alý 1 tamyz kúni "Jasyryn daýys berý úshin kabına jasaý jumystary" degen taqyryppen jarııalanǵan. 3 607 142 teńgege baǵalanǵan tender jeńimpazy 8 tamyz kúni anyqtalady. Eń qyzyǵy satypalu.gov.kz saıtyndaǵy tehnıkalyq sıpattama paraqshasy ashylmaıdy. Onda eki faıldyń kóshirmesi saqtalypty. Birinshisi, tek túsiniksiz tańbalar men sandarǵa tolyp tur. Ekinshisine áldebir vıdeo-taspa júktelgen. Ol taspadan da jasyryn daýys beretin kabına týraly derek tappaısyz. Iaǵnı, aýyl ákimdigi qansha kabına jasatpaq ekenin, ár kabınanyń qunyn qanshaǵa baǵalap otyrǵanyn anyqtaý múmkin emes.
Osyǵan oraı Almaty oblysynyń memlekettik satyp alý basqarmasynan tómendegi suraqtarǵa jaýap berýin suraımyz.
1. "Jasyryn daýys berý úshin kabına jasaý jumystary" degen taqyryppen jarııalanǵan memlekettik satyp alýda nege tehnıkalyq sıpattama joq?
2. Internettegi ashyq derekkózderdiń málimeti boıynsha buǵan deıingi saılaýlarda atalǵan aýyldyq okýrgte №280, № 281, № 284, № 285 atty tórt saılaý ýchaskesi jumys istegen eken. Qarǵalyqtar sol bar bolǵany tórt ýchaskeniń jasyryn kabınasy úshin 3 607 142 teńge qarjy jumsamaq pa?
3. Memlekettik bıýdjetten oblystaǵy ár saılaý aldynda jasyryn kabına jasatý úshin qarjy bóline me?
Bul suraqtarǵa basqarma tarapynan kelgen jaýapty aldaǵy ýaqytta jarııalaıtyn bolamyz!
Aqan Asyl
Adyrna ulttyq portaly
