Boeing 737 ۇشاعىنىڭ فيۋزەلياجىنىڭ زاقىمدانۋىنا بايلانىستى SCAT اۋە كومپانياسى استانادان ۇشاتىن 20 رەيستىڭ كەستەسىن وزگەرتتى. بۇل تۋرالى كومپانيانىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
“استانا اۋەجايىندا اۋەجاي قىزمەتكەرلەرى SCAT Boeing 737 ۇشاعىنىڭ فيۋزەلياجىنا زاقىم كەلتىرۋىنە بايلانىستى اۋە كومپانياسى 20 رەيس بويىنشا ۇشۋ كەستەسىن وزگەرتۋگە ءماجبۇر بولدى", - دەپ حابارلايدى كومپانيانىڭ ءباسپاسوز قىزمەتى.
تاسىمالداۋشى جولاۋشىلاردى تۇسىنىستىكپەن قاراۋدى جانە SMS-حابارلامالارعا نازار اۋدارۋدى نەمەسە SCAT.kz سايتىندا رەيس كەستەسىن تەكسەرۋدى سۇرايدى.
استانا اۋەجايى فيۋزەلياجدىڭ زاقىمدالۋىنا قاتىستى تەرگەۋ باستالعانىن حابارلادى. قازاقستان كولىك مينيسترلىگى جولاۋشىلار ۇشاعىنا زاقىم كەلگەن جاعدايعا ارالاسپايتىنىن مالىمدەدى.
ايتا كەتەيىك، بۇعان دەيىن استانا اۋەجايىندا تەحنيكا SCAT اۋە كومپانياسىنا تيەسىلى ۇشاقتاردىڭ ءبىرىنىڭ فيۋزەلياجىن زاقىمدالعانىن حابارلاعان.
