يران اقش اۋە كۇشتەرىنە تيەسىلى Black Hawk اسكەري تىكۇشاعىن اتىپ ءتۇسىرۋى مۇمكىن، دەپ حابارلايدى "ادىرنا" ۇلتتىق پورتالى Newsmax تەلەارناسىنا سىلتەپ.
باق مالىمەتىنشە، تىكۇشاق يران اۋماعىندا جوعالعان F-15 جويعىش ۇشاعىنىڭ ۇشقىشىن ىزدەۋ كەزىندە زىمىرانمەن زاقىمدانۋى ىقتيمال. دەرەككوزدىڭ ايتۋىنشا، تىكۇشاق يراكتىڭ وڭتۇستىگىنەن يران شەكاراسىنا قاراي ۇشىپ بارا جاتقاندا ودان ءتۇتىن شىققانى بايقالعان. بۇل ونىڭ اۋەدە سوققى العانىن كورسەتۋى مۇمكىن.
بۇعان دەيىن، 3 ساۋىردە، يران قارۋلى كۇشتەرىنىڭ باس شتابى اقش-تىڭ بەسىنشى بۋىنداعى F-35 جويعىش ۇشاعى جويىلعانىن مالىمدەگەن ەدى. رەسمي اقپاراتقا سايكەس، اۋە نىسانى زاماناۋي اۋە قورعانىس جۇيەسى ارقىلى اتىپ تۇسىرىلگەن.
ال Axios پورتالى اقش تاراپى جوعالعان ۇشاقتىڭ ەكى ۇشقىشىن تابۋ ءۇشىن ىزدەستىرۋ-قۇتقارۋ وپەراتسياسىن باستاعانىن جازدى.
كەيىن يراننىڭ يسلام رەۆوليۋتسياسى ساقشىلار كورپۋسى ۇشقىشتاردىڭ ءبىرى تابىلىپ، ۇستالعانىن مالىمدەدى.
ايتا كەتەيىك، بۇعان دەيىن يران تاراپى اقش-تىڭ اسكەري نىساندارىنا قارسى زىمىراندىق سوققى جاساعانى تۋرالى اقپارات تاراعان بولاتىن.
