2024 جىلدىڭ 23 شىلدەدەگى جاعدايى بويىنشا وتباسى بانك ارقىلى ەمدەلۋگە 435,1 ملرد تەڭگە بىرجولعى زەينەتاقى تولەمدەرى پايدالانىلدى. بۇل سومانىڭ شامامەن 98%-ى ستوماتولوگيالىق قىزمەتتەرگە تيەسىلى - ءتىس پروتەزدەۋ جانە يمپلانتاتسيا. الايدا حالىقتىڭ ەمدەلۋگە جۇمساعان بىرجولعى زەينەتاقى تولەمدەرىن تەكسەرۋ كەزىندە ماقساتسىز پايدالانۋ جاعدايلارى انىقتالدى. بانك بىرقاتار كۇدىكتى سحەمالاردىڭ بەلگىلەرىن انىقتادى، ولار بويىنشا ىشكى تەكسەرۋلەر جۇرگىزىلدى. ءىستىڭ قولدا بار ماتەريالدارىمەن بانك كۇدىكتى ادامداردى انىقتاۋ جانە ولاردى جاۋاپقا تارتۋ ءۇشىن قۇقىق قورعاۋ ورگاندارىنا جۇگىندى.
وسىلايشا، كورسەتىلگەن قىزمەتتەرگە اقى تولەۋ تۇرىندە كەيبىر ستوماتولوگيالىق كلينيكالار ازاماتتارعا قولما-قول اقشا الۋعا كومەكتەسكەن. بۇل زەينەتاقى تولەمدەرىن ماقساتسىز پايدالانۋ.
مىسالى، بىرقاتار ستوماتولوگيالىق كلينيكالار كۇنىنە 70-تەن استام كليەنتتى قابىلداعان. ەسەسىنە بۇل مەديتسينالىق مەكەمەلەردىڭ پاتسيەنتتەردىڭ مۇنداي كولەمىن قابىلداپ، ولارعا ءتيىستى قىزمەت كورسەتۋگە جاعدايلارى بولماعان.
ساراپتاۋ بارىسىندا كلينيكالاردىڭ قىزمەت كورسەتۋ زاڭدىلىعىنا كۇمان كەلتىرەتىن فاكتىلەر انىقتالعان، اتاپ ايتقاندا:
- ستوماتولوگيالىق كلينيكالاردىڭ ورنالاسۋ مەكەنى كليەنتتەردىڭ تۇراتىن جەرىنە جانە مەديتسينالىق تىركەۋگە سايكەس كەلمەدى;
- وسى كلينيكالاردىڭ ايماقتاعى بىردە-ءبىر كليەنتى قىزمەت الىنعانىن راستايتىن قۇجاتتاردا كورسەتىلگەن ستوماتولوگيالىق قىزمەتتەردى راسىمەن العانىن راستاماعان;
- بىرقاتار كليەنتتەر وزدەرىنىڭ زەينەتاقى تولەمدەرىن ەشقانداي ستوماتولوگيالىق قىزمەت الماي، دەلدالدار ارقىلى جانە اقشالاي سىياقى تولەپ العاندارىن ءتۇسىندىردى. ولار قاجەتتى مەديتسينالىق قۇجاتتاردى ودان ءارى دايىنداۋ ءۇشىن دەلدالدارعا ءوز ەركىمەن ەتسق بەرگەن;
- بزت قاراجاتى ەسەبىنەن ەمدەلۋ ءۇشىن، مىندەتتى قۇجاتتاردىڭ تىزبەسىنە كىرەتىن، ازاماتتاردىڭ مەديتسينالىق تىركەلگەن جەرى بويىنشا دارىگەرلىك كوميسسيالاردىڭ قورىتىندىلارىندا قول قويۋعا قۇقىعى جوق سونداي-اق دارىگەرلىك كوميسسيانىڭ مۇشەلەرى بولىپ تابىلمايتىن، ءتىپتى مەديتسينالىق مەكەمەدە جۇمىس ىستەمەيتىن ادامداردىڭ قولدارى تۇرعان.
قۇجاتتاردىڭ مىندەتتى پاكەتىنە دارىگەرلىك كوميسسيا قورىتىندىسىن سالعان كەزدە پاتسيەنتتىڭ كەز كەلگەن پارامەترلەرىن - تەگىن، جسن، تۋعان كۇنىن، تەلەفون ءنومىرىن وڭدەۋگە بولاتىن pdf فورماتىنداعى ۇلگى پايدالانىلعان كوپتەگەن فاكتىلەر انىقتالدى. بانك ءبىر كلينيكا بەرگەن بارلىق دارىگەرلىك قورىتىندىلاردا پاتسيەنتتەردىڭ بىردەي مەكەن-جايى كورسەتىلگەنىن انىقتادى.
21 جاستاعى قازاقستاندىققا "تولىق ادەنتيا", ياعني تىستەردىڭ تولىق بولماۋى دياگنوزى قويىلعانى انىقتالدى. سونىمەن قاتار، دارىگەرلىك كوميسسيانىڭ قورىتىندىسىندا وعان ەمدەۋدىڭ كەلەسى تۇرلەرى ۇسىنىلدى – تىستەردى تازارتۋ، برەكەت ورناتۋ.
بزت پايدالانۋ كەزىندە زاڭعا قارسى ءىس-ارەكەتتەردىڭ جانە جاپپاي ماقساتسىز پايدالانۋ فاكتىلەرىنىڭ بولۋىن ەسكەرە وتىرىپ، وتباسى بانك مۇنداي فاكتىلەردىڭ جولىن قيۋ ءۇشىن قاجەتتى شارالاردى قولعا الۋ تۋرالى ۇسىنىس ءبىلدىردى.
- بۇل بجزق سالىمشىلارىنىڭ جەكە قاراجاتى، ونى ازاماتتار وزدەرى قالاۋىنشا پايدالانۋعا قۇقىلى دەگەن جانساق پىكىر بار. بىراق وتباسى بانك بزت پايدالانۋ جونىندەگى ۋاكىلەتتى وپەراتور رەتىندە، زاڭعا سايكەس، وسى قاراجاتتىڭ ماقساتتى پايدالانىلۋىن قامتاماسىز ەتۋگە مىندەتتى. ءبىز 2021-2024 جىلدار ارالىعىندا بجزق قاراجاتىنا كورسەتىلەتىن قىزمەتتەر كولەمى بويىنشا توپ-25 ستوماتولوگيالىق كلينيكانىڭ مەملەكەتكە سالىق تۇرىندە شامامەن 63 ملن تەڭگە تولەگەنىن انىقتادىق. بۇل رەتتە بجزق قاراجاتى ەسەبىنەن ۇقساس كەزەڭدە كورسەتىلگەن قىزمەتتەر كولەمى شامامەن 91 ملرد تەڭگەنى قۇرادى، ياعني سالىق جۇكتەمەسى نەبارى 0,07% بولعان. ءبىزدىڭ ويىمىزشا، بۇل ستوماتولوگيالىق كلينيكالار تاراپىنان كورسەتىلەتىن قىزمەتتەردىڭ شىنايىلىعىنا كۇماندانۋدىڭ سەبەبى، اسىرەسە پروتەزدەۋ جانە يمپلانتاتسيالاۋ سياقتى كۇردەلى پروتسەدۋرالار تۋرالى ءسوز بولعاندا، - دەپ ءتۇسىندىردى وتباسى بانكىنىڭ باسقارما توراعاسى ءلاززات يبراگيموۆا.
وسىعان بايلانىستى دەنساۋلىق ساقتاۋ مينيسترلىگى 2024 جىلدىڭ 10 تامىزىنان 2025 جىلدىڭ 1 اقپانىنا دەيىن پروتەزدەۋ جانە ءتىس يمپلانتاتسياسى بويىنشا ستوماتولوگيالىق قىزمەتكە بولىنگەن قاراجاتتى پايدالانۋدى ۋاقىتشا توقتاتۋدى جوسپارلاپ وتىر. وسى ۋاقىت ىشىندە بانك بىرجولعى زەينەتاقى تولەمدەرىنىڭ ۋاكىلەتتى وپەراتورى رەتىندە بزت قاراجاتىن ماقساتسىز پايدالانۋدىڭ الدىن الۋ جانە ستوماتولوگيالىق قىزمەت كورسەتۋدىڭ اشىقتىعىن قامتاماسىز ەتۋ بويىنشا ءتيىستى جۇمىستاردى جۇرگىزۋدى كوزدەپ وتىر.
ەستەرىڭىزگە سالا كەتەيىك، جۋىردا وتباسى بانك سالىمشىلارىنا بزت بار دەپوزيتتەردى تابىستاۋعا رۇقسات ەتىلگەن بولاتىن. ياعني ەندى ەرلى-زايىپتىلارعا جانە ولاردىڭ جاقىن تۋىستارىنا بزت بار دەپوزيتتەردى اۋدارۋعا بولادى. زەينەتاقى تولەمدەرىن ءوز سالىمدارىنا اۋدارعان بانكتىڭ 240 مىڭعا جۋىق كليەنتى وسى جاقسى جاڭالىقتى قۋانا قابىلدادى. سونىمەن قاتار، ەندى بۇل سالىمشىلاردىڭ بارلىعى 6 جىل بويى وزدەرىنىڭ بزت اۋدارىلعان دەپوزيتتەرىن ساقتاپ، اسىقپاي قاراجات جيناقتاي الادى.
