2024 jyldyŋ 23 şıldedegı jaǧdaiy boiynşa Otbasy bank arqyly emdeluge 435,1 mlrd teŋge bırjolǧy zeinetaqy tölemderı paidalanyldy. Būl somanyŋ şamamen 98%-y stomatologiialyq qyzmetterge tiesılı - tıs protezdeu jäne implantasiia. Alaida halyqtyŋ emdeluge jūmsaǧan bırjolǧy zeinetaqy tölemderın tekseru kezınde maqsatsyz paidalanu jaǧdailary anyqtaldy. Bank bırqatar küdıktı shemalardyŋ belgılerın anyqtady, olar boiynşa ışkı tekseruler jürgızıldı. Istıŋ qolda bar materialdarymen bank küdıktı adamdardy anyqtau jäne olardy jauapqa tartu üşın qūqyq qorǧau organdaryna jügındı.
Osylaişa, körsetılgen qyzmetterge aqy töleu türınde keibır stomatologiialyq klinikalar azamattarǧa qolma-qol aqşa aluǧa kömektesken. Būl zeinetaqy tölemderın maqsatsyz paidalanu.
Mysaly, bırqatar stomatologiialyq klinikalar künıne 70-ten astam klienttı qabyldaǧan. Esesıne būl medisinalyq mekemelerdıŋ pasientterdıŋ mūndai kölemın qabyldap, olarǧa tiıstı qyzmet körsetuge jaǧdailary bolmaǧan.
Saraptau barysynda klinikalardyŋ qyzmet körsetu zaŋdylyǧyna kümän keltıretın faktıler anyqtalǧan, atap aitqanda:
- stomatologiialyq klinikalardyŋ ornalasu mekenı klientterdıŋ tūratyn jerıne jäne medisinalyq tırkeuge säikes kelmedı;
- osy klinikalardyŋ aimaqtaǧy bırde-bır klientı qyzmet alynǧanyn rastaityn qūjattarda körsetılgen stomatologiialyq qyzmetterdı rasymen alǧanyn rastamaǧan;
- bırqatar klientter özderınıŋ zeinetaqy tölemderın eşqandai stomatologiialyq qyzmet almai, deldaldar arqyly jäne aqşalai syiaqy tölep alǧandaryn tüsındırdı. Olar qajettı medisinalyq qūjattardy odan ärı daiyndau üşın deldaldarǧa öz erkımen ESQ bergen;
- BZT qarajaty esebınen emdelu üşın, mındettı qūjattardyŋ tızbesıne kıretın, azamattardyŋ medisinalyq tırkelgen jerı boiynşa därıgerlık komissiialardyŋ qorytyndylarynda qol qoiuǧa qūqyǧy joq sondai-aq därıgerlık komissiianyŋ müşelerı bolyp tabylmaityn, tıptı medisinalyq mekemede jūmys ıstemeitın adamdardyŋ qoldary tūrǧan.
Qūjattardyŋ mındettı paketıne därıgerlık komissiia qorytyndysyn salǧan kezde pasienttıŋ kez kelgen parametrlerın - tegın, JSN, tuǧan künın, telefon nömırın öŋdeuge bolatyn pdf formatyndaǧy ülgı paidalanylǧan köptegen faktıler anyqtaldy. Bank bır klinika bergen barlyq därıgerlık qorytyndylarda pasientterdıŋ bırdei meken-jaiy körsetılgenın anyqtady.
21 jastaǧy qazaqstandyqqa "tolyq adentiia", iaǧni tısterdıŋ tolyq bolmauy diagnozy qoiylǧany anyqtaldy. Sonymen qatar, därıgerlık komissiianyŋ qorytyndysynda oǧan emdeudıŋ kelesı türlerı ūsynyldy – tısterdı tazartu, breket ornatu.
BZT paidalanu kezınde zaŋǧa qarsy ıs-äreketterdıŋ jäne jappai maqsatsyz paidalanu faktılerınıŋ boluyn eskere otyryp, Otbasy bank mūndai faktılerdıŋ jolyn qiiu üşın qajettı şaralardy qolǧa alu turaly ūsynys bıldırdı.
- Būl BJZQ salymşylarynyŋ jeke qarajaty, ony azamattar özderı qalauynşa paidalanuǧa qūqyly degen jansaq pıkır bar. Bıraq Otbasy bank BZT paidalanu jönındegı uäkılettı operator retınde, zaŋǧa säikes, osy qarajattyŋ maqsatty paidalanyluyn qamtamasyz etuge mındettı. Bız 2021-2024 jyldar aralyǧynda BJZQ qarajatyna körsetıletın qyzmetter kölemı boiynşa top-25 stomatologiialyq klinikanyŋ memleketke salyq türınde şamamen 63 mln teŋge tölegenın anyqtadyq. Būl rette BJZQ qarajaty esebınen ūqsas kezeŋde körsetılgen qyzmetter kölemı şamamen 91 mlrd teŋgenı qūrady, iaǧni salyq jüktemesı nebärı 0,07% bolǧan. Bızdıŋ oiymyzşa, būl stomatologiialyq klinikalar tarapynan körsetıletın qyzmetterdıŋ şynaiylyǧyna kümändanudyŋ sebebı, äsırese protezdeu jäne implantasiialau siiaqty kürdelı proseduralar turaly söz bolǧanda, - dep tüsındırdı Otbasy bankınıŋ basqarma töraǧasy Läzzat İbragimova.
Osyǧan bailanysty Densaulyq saqtau ministrlıgı 2024 jyldyŋ 10 tamyzynan 2025 jyldyŋ 1 aqpanyna deiın protezdeu jäne tıs implantasiiasy boiynşa stomatologiialyq qyzmetke bölıngen qarajatty paidalanudy uaqytşa toqtatudy josparlap otyr. Osy uaqyt ışınde bank bırjolǧy zeinetaqy tölemderınıŋ uäkılettı operatory retınde BZT qarajatyn maqsatsyz paidalanudyŋ aldyn alu jäne stomatologiialyq qyzmet körsetudıŋ aşyqtyǧyn qamtamasyz etu boiynşa tiıstı jūmystardy jürgızudı közdep otyr.
Esterıŋızge sala keteiık, juyrda Otbasy bank salymşylaryna BZT bar depozitterdı tabystauǧa rūqsat etılgen bolatyn. Iаǧni endı erlı-zaiyptylarǧa jäne olardyŋ jaqyn tuystaryna BZT bar depozitterdı audaruǧa bolady. Zeinetaqy tölemderın öz salymdaryna audarǧan banktıŋ 240 myŋǧa juyq klientı osy jaqsy jaŋalyqty quana qabyldady. Sonymen qatar, endı būl salymşylardyŋ barlyǧy 6 jyl boiy özderınıŋ BZT audarylǧan depozitterın saqtap, asyqpai qarajat jinaqtai alady.
