2024 jyldyń 23 shildedegi jaǵdaıy boıynsha Otbasy bank arqyly emdelýge 435,1 mlrd teńge birjolǵy zeınetaqy tólemderi paıdalanyldy. Bul somanyń shamamen 98%-y stomatologııalyq qyzmetterge tıesili - tis protezdeý jáne ımplantaııa. Alaıda halyqtyń emdelýge jumsaǵan birjolǵy zeınetaqy tólemderin tekserý kezinde maqsatsyz paıdalaný jaǵdaılary anyqtaldy. Bank birqatar kúdikti shemalardyń belgilerin anyqtady, olar boıynsha ishki tekserýler júrgizildi. Istiń qolda bar materıaldarymen bank kúdikti adamdardy anyqtaý jáne olardy jaýapqa tartý úshin quqyq qorǵaý organdaryna júgindi.
Osylaısha, kórsetilgen qyzmetterge aqy tóleý túrinde keıbir stomatologııalyq klınıkalar azamattarǵa qolma-qol aqsha alýǵa kómektesken. Bul zeınetaqy tólemderin maqsatsyz paıdalaný.
Mysaly, birqatar stomatologııalyq klınıkalar kúnine 70-ten astam klıentti qabyldaǵan. Esesine bul medıınalyq mekemelerdiń paıentterdiń mundaı kólemin qabyldap, olarǵa tıisti qyzmet kórsetýge jaǵdaılary bolmaǵan.
Saraptaý barysynda klınıkalardyń qyzmet kórsetý zańdylyǵyna kúmán keltiretin faktiler anyqtalǵan, atap aıtqanda:
- stomatologııalyq klınıkalardyń ornalasý mekeni klıentterdiń turatyn jerine jáne medıınalyq tirkeýge sáıkes kelmedi;
- osy klınıkalardyń aımaqtaǵy birde-bir klıenti qyzmet alynǵanyn rastaıtyn qujattarda kórsetilgen stomatologııalyq qyzmetterdi rasymen alǵanyn rastamaǵan;
- birqatar klıentter ózderiniń zeınetaqy tólemderin eshqandaı stomatologııalyq qyzmet almaı, deldaldar arqyly jáne aqshalaı syıaqy tólep alǵandaryn túsindirdi. Olar qajetti medıınalyq qujattardy odan ári daıyndaý úshin deldaldarǵa óz erkimen EQ bergen;
- BZT qarajaty esebinen emdelý úshin, mindetti qujattardyń tizbesine kiretin, azamattardyń medıınalyq tirkelgen jeri boıynsha dárigerlik komıssııalardyń qorytyndylarynda qol qoıýǵa quqyǵy joq sondaı-aq dárigerlik komıssııanyń músheleri bolyp tabylmaıtyn, tipti medıınalyq mekemede jumys istemeıtin adamdardyń qoldary turǵan.
Qujattardyń mindetti paketine dárigerlik komıssııa qorytyndysyn salǵan kezde paıenttiń kez kelgen parametrlerin - tegin, JSN, týǵan kúnin, telefon nómirin óńdeýge bolatyn pdf formatyndaǵy úlgi paıdalanylǵan kóptegen faktiler anyqtaldy. Bank bir klınıka bergen barlyq dárigerlik qorytyndylarda paıentterdiń birdeı meken-jaıy kórsetilgenin anyqtady.
21 jastaǵy qazaqstandyqqa "tolyq adentııa", ıaǵnı tisterdiń tolyq bolmaýy dıagnozy qoıylǵany anyqtaldy. Sonymen qatar, dárigerlik komıssııanyń qorytyndysynda oǵan emdeýdiń kelesi túrleri usynyldy – tisterdi tazartý, breket ornatý.
BZT paıdalaný kezinde zańǵa qarsy is-áreketterdiń jáne jappaı maqsatsyz paıdalaný faktileriniń bolýyn eskere otyryp, Otbasy bank mundaı faktilerdiń jolyn qııý úshin qajetti sharalardy qolǵa alý týraly usynys bildirdi.
- Bul BJZQ salymshylarynyń jeke qarajaty, ony azamattar ózderi qalaýynsha paıdalanýǵa quqyly degen jansaq pikir bar. Biraq Otbasy bank BZT paıdalaný jónindegi ýákiletti operator retinde, zańǵa sáıkes, osy qarajattyń maqsatty paıdalanylýyn qamtamasyz etýge mindetti. Biz 2021-2024 jyldar aralyǵynda BJZQ qarajatyna kórsetiletin qyzmetter kólemi boıynsha top-25 stomatologııalyq klınıkanyń memleketke salyq túrinde shamamen 63 mln teńge tólegenin anyqtadyq. Bul rette BJZQ qarajaty esebinen uqsas kezeńde kórsetilgen qyzmetter kólemi shamamen 91 mlrd teńgeni qurady, ıaǵnı salyq júktemesi nebári 0,07% bolǵan. Bizdiń oıymyzsha, bul stomatologııalyq klınıkalar tarapynan kórsetiletin qyzmetterdiń shynaıylyǵyna kúmándanýdyń sebebi, ásirese protezdeý jáne ımplantaııalaý sııaqty kúrdeli proedýralar týraly sóz bolǵanda, - dep túsindirdi Otbasy bankiniń basqarma tóraǵasy Lázzat Ibragımova.
Osyǵan baılanysty Densaýlyq saqtaý mınıstrligi 2024 jyldyń 10 tamyzynan 2025 jyldyń 1 aqpanyna deıin protezdeý jáne tis ımplantaııasy boıynsha stomatologııalyq qyzmetke bólingen qarajatty paıdalanýdy ýaqytsha toqtatýdy josparlap otyr. Osy ýaqyt ishinde bank birjolǵy zeınetaqy tólemderiniń ýákiletti operatory retinde BZT qarajatyn maqsatsyz paıdalanýdyń aldyn alý jáne stomatologııalyq qyzmet kórsetýdiń ashyqtyǵyn qamtamasyz etý boıynsha tıisti jumystardy júrgizýdi kózdep otyr.
Esterińizge sala keteıik, jýyrda Otbasy bank salymshylaryna BZT bar depozıtterdi tabystaýǵa ruqsat etilgen bolatyn. Iaǵnı endi erli-zaıyptylarǵa jáne olardyń jaqyn týystaryna BZT bar depozıtterdi aýdarýǵa bolady. Zeınetaqy tólemderin óz salymdaryna aýdarǵan banktiń 240 myńǵa jýyq klıenti osy jaqsy jańalyqty qýana qabyldady. Sonymen qatar, endi bul salymshylardyń barlyǵy 6 jyl boıy ózderiniń BZT aýdarylǵan depozıtterin saqtap, asyqpaı qarajat jınaqtaı alady.
