قازاقستاننىڭ بۇرىنعى پرەزيدەنتى نۇرسۇلتان نازارباەۆ تاعى ءبىر رەگالياسىنان ايىرىلدى، دەپ حابارلايدى “ادىرنا” ۇلتتىق پورتالى Ulysmedia.kz-كە سىلتەپ.
«عىلىم جانە جوعارى ءبىلىم ءمينيسترى ساياسات نۇربەك مەملەكەت باسشىسىنىڭ شەشىمىمەن جاڭا عىلىم اكادەمياسى قۇرىلعانىن ايتتى. قازىر ونىڭ قۇرامىندا توعىز اكادەميك بار، بۇرىنعىلارىنىڭ مارتەبەسى قالپىنا كەلتىرىلدى»، - دەلىنگەن ماتەريالدا.
بۇعان دەيىن اكادەميكتەر قۇرامىنا 155 عالىم كىردى، ولاردىڭ قاتارىندا قازاقستان رەسپۋبليكاسىنىڭ بۇرىنعى پرەزيدەنتى نۇرسۇلتان نازارباەۆ تا بولدى. مينيستر ەكس-پرەزيدەنتتىڭ ەندى اكادەميك ەمەس ەكەنىن راستادى.
دەسە دە، اكادەميانىڭ ۆەب-سايتىندا ءتىزىم ءالى جاڭارتىلماعان. ول جاقتا ءالى دە نازارباەۆ كوماندادا تۇر.
«قازىر بىزدە رقب – رەسپۋبليكالىق قوعامدىق بىرلەستىك بار، بۇل ەسكى عىلىم اكادەمياسى، ول 2000-شى جىلداردىڭ باسىنان باستاپ بۇگىنگى كۇنگە دەيىن جۇمىس ىستەپ كەلەدى. بۇل ادامداردىڭ ءبارى قايدا دەيتىن شىعارسىزدار؟ ولار بىزبەن قاتار ءومىر ءسۇرىپ كەلەدى. بۇل رەتتە وتكەن جىلى پرەزيدەنتتىڭ شەشىمىمەن جاڭا، بىراق مارتەبەسى باسقا عىلىم اكادەمياسى قۇرىلدى. بىرىنشىدەن، ول جاققا پرەزيدەنت تۇسىندا مەملەكەت تاراپىنان قارجى قاراستىرىلعان»، - دەدى ساياسات نۇربەك.
جاڭا عىلىم اكادەمياسىنا سايلاۋ ءوتىپ، وعان 15 ادام كىردى.
