الماتى وبلىسىندا وكرۋگ اكىمى مەن تۇرعىن توبەلەسىپ قالدى، دەپ حابارلايدى "ادىرنا" ۇلتتىق پورتالى.
تۇزدىباستاۋ اۋىلدىق وكرۋگىندە بولعان جانجالعا وبلىس اكىمدىگى مالىمدەمە جاسادى.
جانجالعا سەبەپ - تۇرعىنداردىڭ ءبىرى بەكىتىلگەن باس جوسپارعا نارازىلىق. جاڭا باس جوسپار بويىنشا، ازاماتتىڭ جەر تەلىمى قىزىل سىزىق بويىنا تۇسۋىنە كەلىسپەي، جانجال شىعارعان.
"قازىر تۇزدىباستاۋ اۋىلدىق وكرۋگىنىڭ اكىمىنە قاتىستى تالعار اۋدانىنىڭ اكىمدىگى مەن تالعار اۋداندىق پوليتسيا باسقارماسى تاراپىنان قىزمەتتىك تەكسەرۋ جۇرگىزىلۋدە. اكىمنىڭ كىناسى دالەلدەنسە، ونىڭ ارەكەتى مەملەكەتتىك قىزمەت ىستەرى اگەنتتىگىنىڭ الماتى وبلىسى بويىنشا ادەپ جونىندەگى كەڭەسىندە قارالادى. ال تۇرعىن قوسىمشا تۇسىنىكتەمە الۋ ءۇشىن 23 شىلدەدە اۋدان اكىمىنىڭ اپپاراتىنا شاقىرىلدى", – دەلىنگەن وبلىس اكىمدىگىنىڭ حابارلاماسىندا.
