جاڭا جىل قارساڭىندا الماتىنىڭ ءار اۋدانىندا تانىمال ونەرپازداردىڭ قاتىسۋىمەن كۇن سايىنعى كونتسەرتتەر وتۋدە. قىسقى جاڭا جىل #الماتى2024جىل فەستيۆالى اياسىندا كەنجەبەك ءجانبىلوۆ، ءمولدىر اۋەلبەكوۆا، ومىرقۇل اينيازوۆ، الىشەر قونىسباەۆ، رايىم ۆايس، اباي بەگەي، اسحات تارعىن، Altair & Abbi, نۇرمۇحاممەد جاقىپ، نۇرسۇلتان نۇربەرديەۆ، اقبوتا- نۇر، جاندوس قارجاۋباي، جىگەر اۋىپباەۆ، التىنبەك تاشىمبەتوۆ جانە ت.ب. جۇلدىزدار ونەر كورسەتەدى. فەستيۆال باعدارلاماسىندا اياز اتا مەن اقشاقاردىڭ قاتىسۋىمەن سيقىرشىلار مەن انيماتورلاردىڭ قويىلىمدارى دا بار.
كونتسەرت ۇيىمداستىرۋشىلارى تەلەفون، ديناميك، قۇلاققاپ سياقتى ءتۇرلى سىيلىقتار تاراتادى.
سونىمەن، الاتاۋ وڭىرىندە جاڭاجىلدىق كونتسەرتتەر «الماتى ارەنا» مۇز سارايىنىڭ جانىندا وتەدى. سپورت كەشەنىنىڭ الدىنداعى الاڭ جاڭا جىلدىق كومپوزيتسيالارمەن بەزەندىرىلىپ، شوۋ-باعدارلامالار بولادى.
اۋەزوۆ اۋدانىندا ناتاليا ساتس اتىنداعى مەملەكەتتىك اكادەميالىق ورىس بالالار مەن جاسوسپىرىمدەر تەاترىنىڭ الدىنداعى الاڭ ءداستۇرلى كورىكتى ورىنعا اينالدى. كۇندىز تەاتردىڭ وزىندە «ەرتەگىلەردىڭ جاڭا جىلدىق كالەيدوسكوپى» شوۋى وتەدى، ال كەشكە اشىق الاڭدا بەلسەندىلىك جالعاسادى.
بوستاندىق اۋدانىندا «اتاكەنت» مادەنيەت ءۇيىنىڭ الدىنداعى الاڭدا «قىسقى جاڭا جىل» فەستيۆالى وتۋدە. جۇرگىزۋشىلەر مەن ونەرپازدار كونتسەرت قويىپ، سىيلىقتارىن تابىستايدى. ايتپاقشى، اۋدان تۇرعىندارى كونتسەرتتىك باعدارلامالاردى وسى جەردە ۇيىمداستىرۋدى وزدەرى ءوتىندى.
جەتىسۋ اۋدانىندا جاڭا جىلدىق نەگىزگى شارالار اينابۇلاق-2 شاعىن اۋدانىندا وتەدى. اۋداندىق «اربات» كوپتەن بەرى دەمالىس ورنىنا اينالعان، ەندى مۇندا قازاق ەسترادا جۇلدىزدارىنىڭ قاتىسۋىمەن كونتسەرتتىك باعدارلامالار ۇيىمداستىرىلۋدا.
تۇركسىب وڭىرىندە №6 وقۋشىلار ۇيىندە (سەيفۋللين داڭعىلى) مەرەكەلىك كونتسەرتتەر وتۋدە. مۇندا كەلۋشىلەر ءۇشىن انيماتورلىق ءىس-شارالار مەن بايقاۋلار دا جوسپارلانعان.
ناۋرىزباي وڭىرىندە فەستيۆال باعدارلاماسى جەرگىلىكتى اكىمدىكتىڭ الدىندا (شۇعىلا ىقشام اۋدانى، 347) تانىستىرىلدى.
مەدەۋ جانە المالى اۋداندارىندا اباي الاڭى مەن استانا الاڭىندا نازيما، ميراس جۇگىنىسوۆ، MDee, ءابدىر، اياۋ، Dequine, Enlik, DJSlimKZ, Grow kids تەاترى، جاندى داۋىستى تانىمال ونەرپازداردىڭ قاتىسۋىمەن كونتسەرتتىك باعدارلاما جالعاسۋدا. Ava توبى، ەركەش حاسەن، الي وقاپوۆ، Ayree, D-توبى، Mercury توبى، Ademi, Elizat, IL Canto كۆارتەتى جانە KeshYou توبى دا بار. بالالار ءۇشىن ءارتۇرلى ءىس-شارالار، سونىڭ ىشىندە ويىندار، شەبەرلىك ساباقتارى جانە انيماتورلارمەن ينتەراكتيۆتى سەسسيالار ۇيىمداستىرىلادى. فەستيۆال باعدارلاماسىنا سونىمەن قاتار جاڭا جىلدىق قويىلىمدار، سىيلىقتار ۇتىسى، بايقاۋلار، حالىقتىق كاراوكە جانە گاسترو جارمەڭكە كىرەدى.
جاڭا جىل قارساڭىندا 31 جەلتوقساندا استانا الاڭىندا ساعات 20:00-دەن 00:00-گە دەيىن. ايبەكمان، ماليكا Yes, Diet KZ, ەليزات، پارۆيز نازاروۆ، ينديرا ەلەمەس، قايرات قاپانوۆ، رانو ۋماروۆا جانە اسەل تالاسان، مادي رىمباەۆ، ايافانك، نۇرجان كەرمەنباەۆ، كەشYou توبى، شوقان قازاق ەستراداسىنىڭ جۇلدىزدارىنىڭ قاتىسۋىمەن كونتسەرت وتەدى. مەرەكەلىك ءىس-شارالاردىڭ سوڭى جاڭا جىل قارساڭىندا شىراي مەن رەڭك بەرەتىن وتشاشۋلار بولادى.
