كەشە دەنساۋلىق ساقتاۋ ۆيتسە-ءمينيسترى قىزمەتىنەن بوساتىلعان كامالجان نادىروۆتان كوروناۆيرۋس انىقتالدى، دەپ حابارلايدى adyrna.kz قر دەنساۋلىق ساقتاۋ ءمينيسترى ەلجان ءبىرتانوۆتىڭ Facebook پاراقشاسىنا سىلتەمە جاساپ.
كادرلىق اۋىس-تۇيىسكە قاتىستى مالىمدەسىندە ول:
"كەشە ۇكىمەت قاۋلىسىمەن كامالجان تالعاتۇلى نادىروۆ باسقا جۇمىسقا اۋىسۋىنا بايلانىستى دەنساۋلىق ساقتاۋ ۆيتسە-ءمينيسترى قىزمەتىنەن بوساتىلدى.
الماتى قالاسىندا كوروناۆيرۋستىق ينفەكتسيا كەڭىنەن تاراپ، جاعداي قيىنداعان سوڭ قوعامدىق دەنساۋلىق ساقتاۋ باسقارماسىنىڭ قازىرگى باسشىسى تىلەۋحان شىلدەبايۇلى ابىلداەۆ وتستاۆكاعا كەتۋ تۋرالى ءوتىنىش بىلدىرگەن بولاتىن. قالاداعى كوماندانى كۇشەيتۋ ماقساتىندا باسقارما باسشىسى لاۋازىمىنا ك.ت. نادىروۆتى تاعايىنداۋ جوسپارلانعان ەدى.
الايدا، كەشە كەشكىسىن ك.ت. نادىروۆقا كوروناۆيرۋستىق ينفەكتسيا جۇقتىرعان دەگەن دياگنوز قويىلدى، قازىر ول ەمدەلۋ ءۇشىن اۋرۋحاناعا جاتتى.
ارىپتەسىم كامالجان تالعاتۇلىنىڭ تەز ساۋىعىپ كەتۋىنە تىلەكتەسپىن جانە قولداۋ بىلدىرەمىن!
وسى جاعدايعا بايلانىستى الماتى قالاسى اكىمىنىڭ كەلىسىمىمەن ت.ش. ابىلداەۆتىڭ وتستاۆكاعا كەتۋ تۋرالى ءوتىنىشى توقتاتىلدى.
جالپى، الماتىداعى COVID-19 قاتىستى جاعداي مەملەكەت جانە قالا باسشىلىعىنىڭ ەرەكشە باقىلاۋىندا. بۇگىن تاڭعى مالىمەت بويىنشا مۇندا 678 ادامنىڭ ينفەكتسيا جۇقتىرعانى انىقتالدى، سكرينينگ ناتيجەسىندە ناۋقاستاردىڭ جارتىسىنا جۋىعى مەديتسينا قىزمەتكەرلەرى ەكەنى بەلگىلى بولدى. ورتالىق قالالىق كلينيكالىق اۋرۋحاناداعى ىندەتتىڭ وشاعى وقشاۋلاندىرىلدى، بارلىق پاتسيەنتتەر، كوروناۆيرۋستىق ينفەكتسيا دياگنوزى راستالعان قىزمەتكەرلەر قالاداعى ستاتسيونارلارعا ورنالاستىرىلدى جانە ەمدەلۋدە. اتالعان اۋرۋحانانىڭ عيماراتتارى تولىق دەزينفەكتسيالانادى، ستاتسيونار سودان كەيىن عانا ناۋقاستاردى قابىلداۋعا كىرىسەدى", - دەپ جازدى.
