اقمولا وبلىسىنىڭ قايتىس بولعان تۇرعىنى دونور اتانىپ، بەس ادامنىڭ ءومىرىن ساقتاپ قالدى، - دەپ حابارلايدى “ادىرنا” ۇلتتىق پورتالى ۋنيۆەرسيتەتتىڭ مەديتسينالىق ورتالىعىنىڭ (UMC) ءباسپاسوز قىزمەتىنە سىلتەمە جاساپ.
17 شىلدەدە ەلورداداعى UMC كلينيكالارىندا ورگانداردى ترانسپلانتاتسيالاۋ ءۇشىن كەزەكتە تۇرعان ءۇش ناۋقاسقا ورگان ترانسپلانتاتسيالاۋ وپەراتسياسى ءساتتى جاسالدى.
ميى ءولدى دەپ جاريالانعان 44 جاستاعى ايەل دونور بولدى. قيىن جاعدايدا قالعان ونىڭ وتباسى مۇشەلەرى دونور بولۋىنا كەلىسىم بەرىپ، بەس ادامنىڭ ءومىر سۇرۋىنە مۇمكىندىك بەردى.
ەمحانانىڭ ءباسپاسوز قىزمەتىنىڭ حابارلاۋىنشا، بارلىق ناۋقاستاردىڭ جاعدايى قاناعاتتانارلىق، ولار مامانداردىڭ باقىلاۋىندا ساۋىقتىرۋ شارالارىنان ءوتىپ جاتىر.
«سونىمەن قاتار، استاناداعى ۇلتتىق عىلىمي ونكولوگيا ورتالىعىندا ناۋقاستارعا ەكىنشى دونورلىق بۇيرەك پەن باۋىر ترانسپلانتاتسيالاندى، ەگەر مي ءولىمى راستالسا،وپەراتسيا تەك قانا دونوردىڭ جاقىن تۋىستارىنىڭ شەشىمىمەن جاسالادى»، - دەدى ءباسپاسوز قىزمەتى.
