بۇرىنعى ىشكى ىستەرمينيسترى ەرلان تۇرعىمباەۆتىڭ ءىسى استانا سوتىنا جىبەرىلدى. بۇل تۋرالى بۇگىن، 19 شىلدە استانا قالالىق سوتى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، ەكس-مينيستر قازاقستان رەسپۋبليكاسى قىلمىستىق-پروتسەستىك كودەكسىنىڭ 128-بابىنا سايكەس اۋىر زارداپتارعا اكەپ سوققان (قر قك 362-بابىنىڭ 4-بولىگى) وكىلەتتىگىن جانە لاۋازىمدىق وكىلەتتىكتەرىن اسىرا پايدالاندى دەپ ايىپتالۋدا.
قىلمىستىق ىستە مەملەكەتتىك قۇپيانى قۇرايتىن مالىمەتتەر بار ەكەنىن ەسكەرە وتىرىپ، سوت جابىق رەجيمدە ءوتۋى مۇمكىن.
ەسكە سالا كەتەيىك، ەرلان تۇرعىمباەۆ 2019 جىلدىڭ اقپانىندا ىشكى ىستەر ءمينيسترى بولىپ تاعايىندالىپ، 2022 جىلدىڭ اقپانىنداعى قاندى قاڭتاردان كەيىن قىزمەتىنەن كەتكەن بولاتىن. وسىدان كەيىن ول پرەزيدەنتتىڭ كەڭەسشىسى بولدى جانە 2022 جىلدىڭ قىركۇيەگىندە قازاقستاننىڭ شىۇ ايماقتىق تەرروريزمگە قارسى قۇرىلىمىنداعى تۇراقتى وكىلى بولىپ تاعايىندالدى.
