اۋدان اكىمدەرىنىڭ سايلاۋى باستالماي جاتىپ-اق كانديداتتارعا قىسىم جاسالعان. اسىرەسە، اباي وبلىسىندا ەرەكشە شيەلەنىسىپ تۇر. اكىم لاۋازىمىنا ۇمىتكەر ايجان سابىرقىزى مۇقاتاەۆا ءوز مانداتىن قالپىنا كەلتىرۋ ءۇشىن ايتارلىقتاي قيىندىقتارعا كەزدەسكەن.
ول قۇجاتتارىنىڭ تۇپنۇسقالىعى تۋرالى ناقتى دالەلدەر كەلتىرىپ، ادۆوكاتتىڭ كومەگىنە جۇگىنۋگە ءماجبۇر بولدى. كۇتپەگەن جاعدايدىڭ قارجىلاي شىعىنى ءبىر بولەك، سايلاۋ ناۋقانىنا دا كەسىرى ءتيدى.
اباي اۋداندىق سايلاۋ كوميسسياسىنىڭ 2023 جىلعى 7 قازانداعى №6 حاتتامالىق شەشىمىمەن ا. مۇقاتاەۆا قازاقستان رەسپۋبليكاسىنىڭ مەملەكەتتىك قىزمەت سالاسىنداعى زاڭناماسىنىڭ تالاپتارىنا سايكەس دوداعا تۇسۋدەن شەتتەتىلدى. قاجەتتى ەڭبەك ءوتىلى مەن زەينەتاقى جازباسىنىڭ سايكەستىگىن ەسكەرمەستەن سونى ىلىك ەتىپ بىرجاقتى شەشىم شىعارعان بولاتىن.
الايدا، كەشە (11.10.2023 ج. №1094-23-00-4/535 ءىس) سەمەي قالاسىنىڭ سۋدياسى م. ن. زاۆالوۆ كانديدات ايجان سابىرقىزىنىڭ اكىمشىلىك تالابىن ءىشىنارا قاناعاتتاندىردى. سوت اباي اۋداندىق سايلاۋ كوميسسياسىن مۇقاتاەۆانىڭ قۇجاتتارىن قابىلداۋعا جانە سوت شەشىمى زاڭدى كۇشىنە ەنگەننەن كەيىن ونى اباي اۋدانى اكىمىنىڭ لاۋازىمىنا كانديدات رەتىندە تىركەۋگە مىندەتتەدى.
ءدال وسى سوت شەشىمى “ادىلەتتى قازاقستان” قاعيداتتارىنىڭ تورگە وزۋىنىڭ جارقىن مىسالى ەمەس پە؟! كانديداتتاردىڭ قۇقىقتارى قىزعىشتاي قورعالعانى جانە سايلاۋ كەزىندە زاڭدىلىقتىڭ ساقتالعانى يگى. سونىمەن قاتار، بۇل شەشىم سوت تاۋەلسىزدىگىنىڭ ماڭىزدىلىعىن جانە ونىڭ ازاماتتىق قۇقىقتار مەن بوستاندىقتاردى قورعاۋداعى ءرولىن كورسەتەدى. ءوز الدىنا دەربەس بيلىگى بار سوت ورگاندارىنىڭ ادىلەتتىلىكتى قالپىنا كەلتىرۋگە جانە سايلاۋ كوميسسيالارى جىبەرگەن قاتەلىكتەردى تۇزەتۋگە دايىن ەكەندىگىن كورسەتەدى.
ەندى ول ءوزىنىڭ سايلاۋعا قاتىسۋ قۇقىعىن جانە باسقا كانديداتتارمەن باسەكەلەستىكتى تولىق سەنىممەن جالعاستىرا الادى.
ايتا كەتەيىك، ايجان مۇقاتاەۆا - مەملەكەتتىك قىزمەتتە دە، بيزنەس سالاسىندا دا مول تاجىريبەسى بار بىلىكتى كانديدات. ول ەكونوميكا جانە بيۋدجەتتىك جوسپارلاۋ مينيسترلىگىندە، سونداي-اق ەكونوميكالىق زەرتتەۋلەر ينستيتۋتىندا جۇمىس ىستەگەن. سونىمەن قاتار، “اتامەكەن” ۇكپ ىسكەر ايەلدەر كەڭەسىنىڭ مۇشەسى رەتىندە قوعامدىق سالاداعى بەلسەندى ءرولىن اتاپ وتۋگە بولادى.
ودان بولەك ايجان مۇقاتاەۆا كورەيا دامۋ ينستيتۋتىنىڭ تۇلەگى، بۇل ونىڭ كاسىبي ءوسۋ مەن دامۋعا دەگەن ۇمتىلىسىنىڭ ايعاعى ىسپەتتەس. ونىڭ سايلاۋعا قاتىسۋى دەموكراتيالىق پروتسەستەردى دامىتۋداعى جانە قازاقستانداعى ادىلدىك پەن زاڭدىلىق قاعيداتتارىن ساقتاۋداعى ماڭىزدى قادام سانالادى.
