گرانت يەگەرلەرىنىڭ ەسىمدەرى بەلگىلى بولدى 1 تامىزدا ءبىلىم گرانتى يەگەرلەرىنىڭ ەسىمدەرى بەلگىلى بولدى دەپ حابارلايدى adyrna.kz ۇلتتىق پورتالى قر ءبىلىم جانە عىلىم مينيسترلىگىنىڭ حابارلاماسىنا سىلتەمە جاساپ.
ءتىزىمنىڭ تولىق نۇسقاسىن مىنا جەردەن قاراۋعا بولادى: 2019 جىلعى ورىس تىلىندەگى گرانتتار ءتىزىمى 2019 جىلعى قازاق تىلىندەگى گرانتتار ءتىزىمى سونداي-اق ءبىلىم گرانتىنىڭ يەگەرلەرى Egemen.kz, Kazpravda.kz سايتتارى مەن @testcenterBot - تەلەگرام-بوتىندا جاريالانعان.
مەملەكەتتىك ءبىلىم گرانتىن تاعايىنداۋ بويىنشا رەسپۋبليكالىق بايقاۋ كوميسسياسى ءوز جۇمىسىن اياقتادى. رەسپۋبليكالىق كوميسسيانىڭ قۇرامىنا مەملەكەتتىك ورگاندار، ۇلتتىق كاسىپكەرلەر پالاتاسى، جوعارى وقۋ ورىندارى قاۋىمداستىعى، قوعامدىق بىرلەستىكتەر، قر بعم ءبىلىم جانە عىلىم، بالالاردىڭ قۇقىقتارىن قورعاۋ ماسەلەلەرى جونىندەگى قوعامدىق كەڭەسىنىڭ، پەداگوگيكالىق قاۋىمداستىقتىڭ وكىلدەرى كىردى. ءبىلىم جانە عىلىم مينيسترلىگىنىڭ اقپاراتى بويىنشا، بيىل ءبىلىم گرانتتارى ءبىلىم باعدارلاماسىنىڭ توپتارى بويىنشا بەرىلگەن. جوعارى وقۋ ورنىنا تۇسەر كەزىندە تۇلەك الداعى ءبىلىمى ءۇشىن ناقتى ءبىلىم باعدارلاماسىن تاڭدايدى. 2019-2020 وقۋ جىلىنا 53 785 گرانت بەرىلگەن. مەملەكەتتىك تاپسىرىستىڭ 47 پايىزدان كوبى ينجەنەر، وڭدەۋ جانە قۇرىلىس سالالارى مەن IT-تەحنولوگياعا قاراستىرىلعان. 8276 گرانت - پەداگوگيكا عىلىمىنا، 4088 - گرانت جاراتىلىستانۋ عىلىمى ماتەماتيكا مەن ستاتيستيكاعا، 2200 گرانت - قىزمەت كورسەتۋ ماماندىقتارىنا، 1615 گرانت - ونەر مەن گۋمانيتارلىق عىلىمدارعا، 2435 گرانت - اۋىل شارۋاشىلىعى مەن ۆەتەرينارياعا، 2183 گرانت الەۋمەتتىك عىلىم، بيزنەس پەن ەكونوميكاعا بەرىلدى.
"ادىرنا" ۇلتتىق پورتالى
