Grant iegerlerınıŋ esımderı belgılı boldy 1 tamyzda bılım granty iegerlerınıŋ esımderı belgılı boldy dep habarlaidy adyrna.kz ūlttyq portaly QR Bılım jäne ǧylym ministrlıgınıŋ habarlamasyna sılteme jasap.
Tızımnıŋ tolyq nūsqasyn myna jerden qarauǧa bolady: 2019 jylǧy orys tılındegı granttar tızımı 2019 jylǧy qazaq tılındegı granttar tızımı Sondai-aq bılım grantynyŋ iegerlerı Egemen.kz, Kazpravda.kz saittary men @testcenterBot - Telegram-botynda jariialanǧan.
Memlekettık bılım grantyn taǧaiyndau boiynşa respublikalyq baiqau komissiiasy öz jūmysyn aiaqtady. Respublikalyq komissiianyŋ qūramyna memlekettık organdar, Ūlttyq käsıpkerler palatasy, Joǧary oqu oryndary qauymdastyǧy, qoǧamdyq bırlestıkter, QR BǦM Bılım jäne ǧylym, balalardyŋ qūqyqtaryn qorǧau mäselelerı jönındegı qoǧamdyq keŋesınıŋ, pedagogikalyq qauymdastyqtyŋ ökılderı kırdı. Bılım jäne ǧylym ministrlıgınıŋ aqparaty boiynşa, biyl bılım granttary bılım baǧdarlamasynyŋ toptary boiynşa berılgen. Joǧary oqu ornyna tüser kezınde tülek aldaǧy bılımı üşın naqty bılım baǧdarlamasyn taŋdaidy. 2019-2020 oqu jylyna 53 785 grant berılgen. Memlekettık tapsyrystyŋ 47 paiyzdan köbı injener, öŋdeu jäne qūrylys salalary men IT-tehnologiiaǧa qarastyrylǧan. 8276 grant - pedagogika ǧylymyna, 4088 - grant jaratylystanu ǧylymy matematika men statistikaǧa, 2200 grant - qyzmet körsetu mamandyqtaryna, 1615 grant - öner men gumanitarlyq ǧylymdarǧa, 2435 grant - auyl şaruaşylyǧy men veterinariiaǧa, 2183 grant äleumettık ǧylym, biznes pen ekonomikaǧa berıldı.
"Adyrna" ūlttyq portaly
