وتكەندە گرەك ارالىن ورتەگەن قازاقستاندىق وليگارحتار ەستەرىڭىزدە شىعار؟ ءبىزدىڭ باق ولاردى "Forbes" تىزىمىندەگى بايلار دەگەننەن ارى اسپادى. ەلدى قارعىن سۋ باسىپ، حالىق باسپاناسىز دالادا قالعاندا ءبىزدىڭ بايلار گرەكيا ارالدارىندا ياحتا جالداپ، وتشاشۋ اتىپ، ارال ورتەپ ءجۇردى.
از-كەم جۋرناليستىك زەرتتەۋ جۇرگىزىپ، ياحتادا بولعان وليگارحتارعا قاتىستى مىنانداي مالىمەتتەرگە كەز بولدىق. بۇل مالىمەتتەر اشىق ينتەرنەت كوزدەرىنەن الىندى.
قالىڭ شۋدىڭ ورتاسىندا قالعان دانيار ابىلعازين ءومىر بويى مەملەكەتتىك قىزمەت پەن كۆازي سەكتوردا جۇمىس ىستەگەن. "Forbes.kz" سايتىندا ونىڭ بايلىعى 380 ميلليون دوللار دەپ كورسەتىلگەن. قازاقستاندىق 75 وليگارحتىڭ تىزىمىندە 21-ءشى ورىنعا جايعاسقان. مەملەكەتتىك قىزمەتكەرگە مىنانداي بايلىق قايدان كەلگەن؟
دانيار ابىلعازيندى ساياسي ەليتا كارىم ءماسىموۆتىڭ جانە ۇلكەن كۇيەۋ بالا قۇلىباەۆتىڭ "كوشەلەگى" رەتىندە بىلەتىن. قاڭتار وقيعاسىنان كەيىن ابىلعازين تاپىشكەسىنەن سەكىرىپ، بوزىمباۆتىڭ كابينەتىن جاعالاپ كەتتى دەسەدى. ەل ىشىندەگى اڭگىمەگە سەنسەك، قانات مىرزا الماتى وبلىسىندا اكىم بولىپ تۇرعاندا ابىلعازين قاپشاعايدان دەمالىس بازاسىن دا سىيعا تارتىپتى-مىس.
گرەكيادا ابىلعازينمەن بىرگە بولعان تاعى ءبىر قازاقستاندىق ىقپالدى تۇلعا ء—ۇمىت شاياحمەتوۆا، «قازاقستان حالىق بانكى» باسقارما ءتورايىمى.
ياحتادا بولعان تاعى ءبىر وليگارح – دانيار ابىلعازيننىڭ ايەلى ايدان سۇلەيمەنوۆا. ايدان حانىمنىڭ بايلىعىن "Forbes.kz" 4,3 ميلليارد تەڭگە دەپ باعالاپتى. ودان بولەك ايدان سۇلەيمەنوۆا "ايالا" قورىن باسقارادى.
"ايالا" قورى مەن حالىق بانكتى نە بايلانىستىرادى؟ "سامۇرىق-قازىنانىڭ" قارجىلارى وسى قور ارقىلى حالىق بانككە ءتۇسىپ ارى قاراي شەتەلگە شىعارىلۋى مۇمكىن دەگەن بولجامدار دا ينتەرنەت يىرىمدەرىندە جۇرگەن. بىراق بۇل بولجام عانا. قازاقى تۇسىنىكپەن "باي-بايعا قۇيادى" دەپ بايلاردىڭ بىرگە دەمالۋى زاڭدىلىق قوي.
تومەندە ابىلعازيندەر وتباسىنىڭ ۇلەسىندەگى كومپانيالاردىڭ ءتىزىمى:
دانيار ابىلعازين ازس Qazaq Oil, SinoOil جانە Gas Energy, توو «PTC وperator»، توو «Petroleum»، توو «رتي-انپز»، توو «SilkwayTransit سىندى الپاۋىت كومپانيالاردا ۇلەسى بار.
ايەلى ايدان سۋلەيمەنوۆا دا الپاۋىت بيزنەسمەن دەۋگە بولادى. ونىڭ ۇلەس يەلىگىندەگى توو «Viled Group»، توو «Viled International»، توو «Viled Fashion»، توو «Group Lux»، توو «Premium Beauty» ايدان حانىمعا قارايدى. توو «ADD Invest Properties» 100% ۇلەسى بار. قۇلىباەۆتىڭ جۇبايىمەن بىرگە ترتس Keruen city Astana, ترتس Keruen جانە استاناداعى ترتس Talan Gallery, ترتس Keruen city Aktobe, اتىراۋداعى ترتس Baizaar باسقارادى.
