Ótkende grek aralyn órtegen qazaqstandyq olıgarhtar esterińizde shyǵar? Bizdiń BAQ olardy "Forbes" tizimindegi baılar degennen ary aspady. Eldi qarǵyn sý basyp, halyq baspanasyz dalada qalǵanda bizdiń baılar Grekııa araldarynda ıahta jaldap, otshashý atyp, aral órtep júrdi.
Az-kem jýrnalıstik zertteý júrgizip, ıahtada bolǵan olıgarhtarǵa qatysty mynandaı málimetterge kez boldyq. Bul málimetter ashyq ınternet kózderinen alyndy.
Qalyń shýdyń ortasynda qalǵan Danııar Abylǵazın ómir boıy memlekettik qyzmet pen kvazı sektorda jumys istegen. "Forbes.kz" saıtynda onyń baılyǵy 380 mıllıon dollar dep kórsetilgen. Qazaqstandyq 75 olıgarhtyń tiziminde 21-shi orynǵa jaıǵasqan. Memlekettik qyzmetkerge mynandaı baılyq qaıdan kelgen?
Danııar Abylǵazındi saıası elıta Kárim Másimovtyń jáne úlken kúıeý bala Qulybaevtyń "koshelegi" retinde biletin. Qańtar oqıǵasynan keıin Abylǵazın tápishkesinen sekirip, Bozymbavtyń kabınetin jaǵalap ketti desedi. El ishindegi áńgimege sensek, Qanat myrza Almaty oblysynda ákim bolyp turǵanda Abylǵazın Qapshaǵaıdan demalys bazasyn da syıǵa tartypty-mys.
Grekııada Abylǵazınmen birge bolǵan taǵy bir qazaqstandyq yqpaldy tulǵa —Úmit Shaıahmetova, «Qazaqstan Halyq banki» basqarma tóraıymy.
Iahtada bolǵan taǵy bir olıgarh – Danııar Abylǵazınnyń áıeli Aıdan Súleımenova. Aıdan hanymnyń baılyǵyn "Forbes.kz" 4,3 mıllıard teńge dep baǵalapty. Odan bólek Aıdan Súleımenova "Aıala" qoryn basqarady.
"Aıala" qory men Halyq bankti ne baılanystyrady? "Samuryq-Qazynanyń" qarjylary osy qor arqyly Halyq bankke túsip ary qaraı shetelge shyǵarylýy múmkin degen boljamdar da ınternet ıirimderinde júrgen. Biraq bul boljam ǵana. Qazaqy túsinikpen "baı-baıǵa quıady" dep baılardyń birge demalýy zańdylyq qoı.
Tómende Abylǵazınder otbasynyń úlesindegi kompanııalardyń tizimi:
Danııar Abylǵazın AZS Qazaq Oil, SinoOil jáne Gas Energy, TOO «PTC Operator», TOO «Petroleum», TOO «RTI-ANPZ», TOO «SilkwayTransit syndy alpaýyt kompanııalarda úlesi bar.
Áıeli Aıdan Sýleımenova da alpaýyt bıznesmen deýge bolady. Onyń úles ıeligindegi TOO «Viled Group», TOO «Viled International», TOO «Viled Fashion», TOO «Group Lux», TOO «Premium Beauty» Aıdan hanymǵa qaraıdy. TOO «ADD Invest Properties» 100% úlesi bar. Qulybaevtyń jubaıymen birge TR Keruen city Astana, TR Keruen jáne Astanadaǵy TR Talan Gallery, TR Keruen city Aktobe, Atyraýdaǵy TR Baizaar basqarady.
