«.. قازىر ەڭ باستىسى - حالىق پەن بيلىك اراسىنداعى ديالوگ... وكىنىشكە قاراي، ول مۇنى جەتكىلىكتى تۇردە تۇسىنبەدى» دەپ ءتۇسىندىرىپتى عابيدوللانىڭ كەتۋ سەبەبىن.
مەنىڭشە، جاقسىلى-جاماندى حالىقپەن "حالىقتىق" ديالوگ جاساۋعا تىرىسىپ جۇرگەن عابيدوللا ەدى. ديالوگ جاساۋدان بۇرىن جالپى، قاتەلەسۋدەن قورىقپايتىن ەدى. ءيا، ءبىراز جەردە "ادەبي لياپتارى" جوق ەمەس. ونىڭ ۇستىنە، ول ساياسي كارەراڭ دا تۇماندى بولار لوندوننىڭ ەمەس، شىمكەنتتىڭ اكىمى عوي. ءبىزدىڭ ەلدە ءالى ساياسي شەشەندىك دەگەن اتىمەن جوق قوي. ال، ۇندەمەگەندىكتەرىنەن ۇيدەي كوممەنتاريدەن قۇتىلعان كۇيى اتىن ەستىمەگەن قانشاما اكىم ءجۇر بۇل ەلدە. اكىم بولعان سوڭ سوزدەرىن دە وزدەرىن دە تالقىلايدى، ءاجۋالايدى، قۋالايدى، ۇرسادى. كەيبىرىن ىشتەي جاقسى كورەدى. اشىق قوعام سونداي ەمەس پە؟ حالىق ماحابباتى دەگەن تىم قۇبىلمالى عوي. ءبىر ساتتە ءسۇيىپ، كەلەر كۇن ۇناتپاي وتىرادى. تاعى ءۇش كۇننەن سوڭ، دىم بولماعانداي ماقتاپ وتىرادى جۇرت. بىراق، عابيدوللانى ۇناتپايمىن دەگەن شىمكەنتتىك كەمدە-كەم. عابيدوللانىڭ كەزىندە شىمكەنتتىڭ شىنىمەن جاستار قالاسى دەگەن ەپوستاسى اشىلدى. قالانىڭ ءيميدجى كەرەمەت كوتەرىلدى. سول جۇمىستار ناتيجەسىندە بۇرىندارى باسقا جاقتىڭ ادامدارىنىڭ ويىنداعى پروۆينتسيال مەنتاليتەتتەگى قالادان، زامانعا ساي كوپشىلىكتەن كوش ىلگەرى دامىپ جاتقان قالاعا اينالدى. بۇرىندارى جۇرت شىمكەنتكە كەلۋگە قورقاتىن. قازىر ەشكىمنىڭ قورقىپ، يا تۇرعىندارىن "شىمكەنتتىك" دەپ ءبولىپ جاتقانىن كورىپ جۇرگەم جوق. عابيدوللا قالا ومىرىنە، تۇرعىندارىنا ترەندتەر بەرە ءبىلدى. جۇمىس تا توقتاپ قالعان جوق، مەنىڭشە. شىمكەنتتەن عابيدوللا ءبىرىنشى رەت كەتىپ، كەلگەنگە دەيىنگى اكىم ەشكىمنىڭ ەسىندە جوق. جالپى، شىمكەنتتە بولعان عابيدوللادان باسقا اكىمدەردىڭ اتى كوبىنىڭ ەسىندە جوق. بولعان با ەدى، ءوزى؟ عابيدوللا ءبىزدىڭ ءوز عايسا ءماسىحىمىز. ريمدىكتەردىڭ ءبىزدىڭ عايسانى قۋدالاۋعا قاقى جوق. ءوز عايسامىزدى تەك ءوزىمىز قالاعان ۋاقىتتا ولتىرەمىز. موجەت ي ولتىرمەيمىز. ءوزىمىز بىلەمىز.
جالپى، بىلمەدىم، ءوزىم ءۇشىن عابيدوللانى كەتىرۋ قاتە قادام بوپ كورىندى. شىمكەنتكە ءوزى سياقتى ديناميكاعا تولى اكىم كەرەك. ايتپەسە، ءبىز زەرىگىپ كەتەمىز. ال، شىمكەنتتىكتەر زەرىگە باستاساق، جاعداي وڭاي بولمايدى. ريمدىكتەر وسىنى ەسكەرۋى كەرەك.
قىسقاسى، "ۇشار ھوللاندەر" كەمەسىنە ءوز كاپيتانىن قايتارىڭدار!
سادىق شەرىمبەك
"ادىرنا" ۇلتتىق پورتالى
