Ǵabıdollany ketirý kimge kerek boldy?!

4577
Adyrna.kz Telegram

«.. qazir eń bastysy - halyq pen bılik arasyndaǵy dıalog... Ókinishke qaraı, ol muny jetkilikti túrde túsinbedi» dep túsindiripti Ǵabıdollanyń ketý sebebin.

Menińshe, jaqsyly-jamandy halyqpen "halyqtyq" dıalog jasaýǵa tyrysyp júrgen Ǵabıdolla edi. Dıalog jasaýdan buryn jalpy, qatelesýden qoryqpaıtyn edi. Iá, biraz jerde "ádebı lıaptary" joq emes. Onyń ústine, ol  saıası karerań da tumandy bolar Londonnyń emes, Shymkenttiń ákimi ǵoı. Bizdiń elde áli saıası sheshendik degen atymen joq qoı. Al, úndemegendikterinen úıdeı kommentarııden qutylǵan kúıi atyn estimegen qanshama ákim júr bul elde. Ákim bolǵan soń sózderin de ózderin de talqylaıdy, ájýalaıdy, qýalaıdy, ursady. Keıbirin ishteı jaqsy kóredi. Ashyq qoǵam sondaı emes pe? Halyq mahabbaty degen tym qubylmaly ǵoı. Bir sátte súıip, keler kún unatpaı otyrady. Taǵy úsh kúnnen soń, dym bolmaǵandaı maqtap otyrady jurt. Biraq, Ǵabıdollany unatpaımyn degen Shymkenttik kemde-kem. Ǵabıdollanyń kezinde Shymkenttiń shynymen jastar qalasy degen epostasy ashyldy. Qalanyń ımıdji keremet kóterildi. Sol jumystar nátıjesinde buryndary basqa jaqtyń adamdarynyń oıyndaǵy provınıal mentalıtettegi qaladan, zamanǵa saı kópshilikten kósh ilgeri damyp jatqan qalaǵa aınaldy. Buryndary jurt Shymkentke kelýge qorqatyn. Qazir eshkimniń qorqyp, ıa turǵyndaryn "Shymkenttik" dep bólip jatqanyn kórip júrgem joq. Ǵabıdolla qala ómirine, turǵyndaryna trendter bere bildi. Jumys ta toqtap qalǵan joq, menińshe. Shymkentten Ǵabıdolla birinshi ret ketip, kelgenge deıingi ákim eshkimniń esinde joq. Jalpy, Shymkentte bolǵan Ǵabıdolladan basqa ákimderdiń aty kóbiniń esinde joq. Bolǵan ba edi, ózi? Ǵabıdolla bizdiń óz Ǵaısa Másihimiz. Rımdikterdiń bizdiń Ǵaısany qýdalaýǵa qaqy joq. Óz Ǵaısamyzdy tek ózimiz qalaǵan ýaqytta óltiremiz. Mojet ı óltirmeımiz. Ózimiz bilemiz.

Jalpy, bilmedim, ózim úshin Ǵabıdollany ketirý qate qadam bop kórindi. Shymkentke ózi sııaqty dınamıkaǵa toly ákim kerek. Áıtpese, biz zerigip ketemiz. Al, Shymkenttikter zerige bastasaq, jaǵdaı ońaı bolmaıdy. Rımdikter osyny eskerýi kerek.

Qysqasy,  "Ushar Hollander" kemesine óz kapıtanyn qaıtaryńdar!

 

Sadyq ShERIMBEK

"Adyrna" ulttyq portaly

Pikirler