مەملەكەتتىك ءبىلىم بەرۋ گرانتىن بەرۋ جونىندەگى كونكۋرسقا قاتىسۋ ءۇشىن قۇجاتتاردى قابىلداۋ 2024 جىلعى 13-24 شىلدە ارالىعىندا جۇزەگە اسىرىلادى. كونكۋرسقا قاتىسۋ ءۇشىن ءوتىنىشتى جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ قابىلداۋ كوميسسيالارى ارقىلى، سونداي-اق، ونلاين رەجيمىندە «ەلەكتروندىق ۇكىمەت» پورتالى ارقىلى بەرۋگە بولادى.
2023-2024 وقۋ جىلىنا جوعارى ءبىلىمنىڭ ءبىلىم بەرۋ باعدارلامالارى بويىنشا وقۋ ءۇشىن بارلىعى 78219 گرانت ءبولىندى، ونىڭ ىشىندە قازاقستان رەسپۋبليكاسىنىڭ ۇكىمەتى ايقىنداعان وڭىرلەرگە قونىس اۋداراتىن اۋىل جاستارى قاتارىنان قازاقستان رەسپۋبليكاسىنىڭ ازاماتتارىن وقىتۋعا 3903 گرانت ءبولىندى.
سونداي-اق، حالقى تىعىز ورنالاسقان، باتىس جانە جاڭادان قۇرىلعان وڭىرلەردەن جاستاردى وقىتۋ ءۇشىن 5000 نىسانالى گرانت ءبولىندى، ونىڭ ىشىندە اتىراۋ وبلىسىنان كەلگەندەر ءۇشىن – 1500 گرانت، ماڭعىستاۋ وبلىسىنان – 2000, تۇركىستان وبلىسىنان – 600, اباي قالاسىنان – 300, شىمكەنت قالاسىنان – 300, جەتىسۋ قالاسىنان – 300, ۇلىتاۋ قالاسىنان - 300 گرانت دايارلاۋدىڭ مىناداي باعىتتارى: پەداگوگيكالىق عىلىمدار، ماتەماتيكا جانە ستاتيستيكا، جاراتىلىستانۋ عىلىمدارى، اقپاراتتىق-كوممۋنيكاتسيالىق تەحنولوگيالار، ينجەنەرلىك، وڭدەۋ جانە قۇرىلىس سالالارى بويىنشا ءبولىندى.
شالعاي وڭىرلەردەن كەلگەن تالاپكەرلەرگە ىڭعايلى بولۋ ءۇشىن جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىندا ۆيرتۋالدى قابىلداۋ كوميسسيالارى جۇمىس ىستەيتىن بولادى، ولار بەينەبايلانىس ارقىلى كونسۋلتاتسيا بەرەدى جانە كونكۋرسقا قۇجاتتاردى تاپسىرۋعا كومەكتەسەدى. ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن ەڭ تومەنگى ۇپايلار تومەندەگى سىلتەمە بويىنشا قولجەتىمدى:
http://www.testcenter.kz/ru/postupayushchim-v-vuz/vazhnaya-informatsiya-dlya-uchastiya-v-konkurse-prisuzhdeniya-obrazovatelnogo-granta-2023-goda-/
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز