15 شىلدە كۇنى ساعات 14.00-دە الماتى قالاسى، دوستىق 132, Coffee Book كوفەحاناسىندا «مازمۇنداما باسپاسىنىڭ» ۇيىمداستىرۋىمەن ۇلاربەك دالەيۇلىنىڭ «جوشى حان كىم؟»، ساۋلە دوسجاننىڭ «جاقسىلىق ۇشكەمپىروۆ كىم؟» جانە اسىلان تىلەگەننىڭ «مانشۇك مامەتوۆا كىم؟» كىتاپتارىنىڭ تانىستىرىلىمى وتەدى.
كەزدەسۋ بارىسىندا وقىرماندارعا اۆتورلارمەن تىلدەسىپ، ءوز قولىنان قولتاڭبا الۋ مۇمكىندىگى بولادى.
ۇلاربەك دالەيۇلىنىڭ «جوشى حان كىم؟» كىتابى – شىڭعىس قاعاننىڭ تۇڭعىش ۇلى جوشىنىڭ ەرلىككە تولى ءومىر جولى سۋرەتتەلەتىن تۋىندى. ول جيىرما بەس جاسىندا توعايلى جۇرتىن باعىندىرىپ، كوزگە تۇسكەن. اكەسى شىڭعىس قاعاننىڭ بۇيرىعىمەن دەشتى-قىپشاق ۇلىسىن باسقارىپ، ورداسىن ۇلىتاۋدا تىكتى. كىتاپتا جوشى حان بيلەگەن زامانداعى تاريحي وقيعالار، قازىرگى قازاق ەلىنىڭ العاشقى قالىپتاسۋ كەزەڭى سۋرەتتەلەدى. ساۋلە دوسجاننىڭ «جاقسىلىق ۇشكەمپىروۆ كىم؟» كىتابى ۇلتتىق نامىستىڭ ۇلگىسىنە اينالعان قازاق بالۋانى جاقسىلىق ۇشكەمپىروۆتىڭ ومىرىنەن جازىلعان. قازاقستاندا كۇرەس سپورتىنىڭ دامۋىنا زور ۇلەس قوسقان اتاقتى سپورتشىنىڭ جارقىن وقيعالارعا تولى ءومىر جولى جاستارعا ۇلگى. اسىلان تىلەگەننىڭ «مانشۇك مامەتوۆا كىم؟» كىتابىندا كەڭەس وداعىنىڭ باتىرى اتاعى بەرىلگەن تۇڭعىش قازاق قىزى مانشۇك مامەترۆانىڭ بالالىق شاعىنان باستاپ مايدانداعى ەرلىكتەرىنە دەيىن باياندالادى. كىتاپتاعى وقيعانىڭ ءبارى مانشۇكپەن زامانداس بولعان تۇلعالاردىڭ ەستەلىگىنەن الىنعان.
ءىس-شاراعا جازۋشىلار، قوعام قايراتكەرلەرى قاتىسادى.
بايلانىس اقپاراتتارى:
وتەتىن ورنى: الماتى قالاسى، دوستىق 132, Coffee Book
e-mail: mazmundama@gmail.com
تەل: +7 705 626 35 55, +7 700 700 70 91,
