15 shilde kúni saǵat 14.00-de Almaty qalasy, Dostyq 132, Coffee Book kofehanasynda «Mazmundama baspasynyń» uıymdastyrýymen Ularbek Dáleıulynyń «Joshy han kim?», Sáýle Dosjannyń «Jaqsylyq Úshkempirov kim?» jáne Asylan Tilegenniń «Mánshúk Mámetova kim?» kitaptarynyń tanystyrylymy ótedi.
Kezdesý barysynda oqyrmandarǵa avtorlarmen tildesip, óz qolynan qoltańba alý múmkindigi bolady.
Ularbek Dáleıulynyń «Joshy han kim?» kitaby – Shyńǵys qaǵannyń tuńǵysh uly Joshynyń erlikke toly ómir joly sýretteletin týyndy. Ol jıyrma bes jasynda Toǵaıly jurtyn baǵyndyryp, kózge túsken. Ákesi Shyńǵys qaǵannyń buıryǵymen Deshti-Qypshaq ulysyn basqaryp, ordasyn Ulytaýda tikti. Kitapta Joshy han bılegen zamandaǵy tarıhı oqıǵalar, qazirgi qazaq eliniń alǵashqy qalyptasý kezeńi sýretteledi. Sáýle Dosjannyń «Jaqsylyq Úshkempirov kim?» kitaby ulttyq namystyń úlgisine aınalǵan qazaq balýany Jaqsylyq Úshkempirovtiń ómirinen jazylǵan. Qazaqstanda kúres sportynyń damýyna zor úles qosqan ataqty sportshynyń jarqyn oqıǵalarǵa toly ómir joly jastarǵa úlgi. Asylan Tilegenniń «Mánshúk Mámetova kim?» kitabynda Keńes Odaǵynyń Batyry ataǵy berilgen tuńǵysh qazaq qyzy Mánshúk Mámetrvanyń balalyq shaǵynan bastap maıdandaǵy erlikterine deıin baıandalady. Kitaptaǵy oqıǵanyń bári Mánshúkpen zamandas bolǵan tulǵalardyń esteliginen alynǵan.
Is-sharaǵa jazýshylar, qoǵam qaıratkerleri qatysady.
Baılanys aqparattary:
Ótetin orny: Almaty qalasy, Dostyq 132, Coffee Book
e-mail: mazmundama@gmail.com
tel: +7 705 626 35 55, +7 700 700 70 91,
