الماتى قالاسى، زەردەلى ىقشام اۋدانىندا، 25 ناۋرىزدا اۆتوكولىك ۇرلاندى. كوپبالالى وتباسىنىڭ كولىگىن قاعىپ كەتكەن ۇرى ءالى ىزدەستىرىلۋدە، دەپ حابارلايدى "ادىرنا" ۇلتتىق پورتالى.
25 ناۋرىز ساعات تاڭعى 03.52-دە "Toyota Camry 50" اۆتوكولىگى ۇرلاندى. ورىن العان جاعدايدى "ادىرنا" تىلشىسىنە كولىك يەسىنىڭ جارى:
"تاڭعى ساعات 7-دە ءبىز تۇردىق، سول كەزدە جولداسىم اۋلادان ماشينانىڭ جوق ەكەنىن كوردى. كەيىننەن اۋلانىڭ كامەراسىنان قاراسا، ساعات 03.52-دە شىعىپ كەتكەن ماشينا. اۋلانىڭ عانا كامەراسىنان كورىنگەن، ارى قاراي تراسساداعى سەرگەك كامەرالارىنىڭ ەشبىرىنەن كورىنبەيدى. بۇرىلعانى كورىنبەيدى، قالاي قاراي كەتكەنى بەلگىسىز. بۇگىن مىنە نەشە كۇن بولدى، ءالى ەشقانداي جاڭالىق جوق. ەڭ بولماعاندا، قاي جاققا قاراي كەتكەنى جايلى دا ايتپاي وتىر. سول 25-ءى كۇنى جولداسىم پوليتسيامەن بارلىق كامەرالاردى قارادى، بىراق ناقتى ەش ايعاقتار كورىنبەيدى. "سەرگەكتەردەن، كولىكتىڭ ءتۇسىن اجىراتۋ مۇمكىن ەمەس" دەيدى جولداسىم. ول ۋاقىتتا بىرنەشە ماشينا شىققان، بىراق ونىڭ قايسىسى ەكەندىگى كورىنبەيدى. ءبىز جاقتا جوندەۋ جۇمىستارى ءجۇرىپ جاتقاندىقتان، جۇمىسكەرلەر بورديۋرلار قويىپ تاستاعان. سولاردىڭ كەسىرىنەن كامەرادان قىلمەسكەردىڭ بەت-جۇزدەرى دە انىق ەمەس. تەك قانا ماشينانىڭ ءجۇرىپ كەتكەنى بايقالعان، كامەراعا كاپيۋشون، كەپكا كيگەن ەكى بالانىڭ ارى-بەرى جۇرگەندەرى تۇسكەن" دەپ مالىمدەدى.
پوليتسيا ءالى اشىعىن ايتپادى دەپ اشىنعان كوپ بالالى وتباسىنىڭ 5 كۇننەن بەرى تابىلماي جاتقان كولىگىن جىمقىرعان ۇرىلار، ءالى دە ىزدەستىرىلۋدە. قوسا كەتەيىك، اۆتوكولىك سۇر ءتۇستى، الدىڭعى جولاۋشىلار ەسىگىندە ويىعى بار جانە كاپوت ايماعىنداعى بوياۋى وشىرىلگەن بولاتىن.
"ادىرنا" ۇلتتىق پورتالى
