مەملەكەت باسشىسى قاسىم-جومارت توقاەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءمىنىس جانە ءمىنىس-جەگىن جىلقىلاردىڭ وتاندىق تۇقىمدارىن ساقتاۋ جانە ءوسىمىن مولايتۋ ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى، دەپ حابارلايدى “ادىرنا” ۇلتتىق پورتالى.
سونىمەن قاتار، "اسىل تۇقىمدى مال شارۋاشىلىعى تۋرالى" جانە "سەلەكتسيالىق جەتىستىكتەردى قورعاۋ تۋرالى" زاڭدارعا وزگەرىستەر ەنگىزىلەدى.
"اسىل تۇقىمدى مال شارۋاشىلىعى تۋرالى" زاڭعا قازاقستان اۋماعىندا اسىل تۇقىمدى مالدى ۇستاۋعا جۇمسالعان شىعىنداردى وتەۋ تەتىكتەرى ەنگىزىلەدى. بۇل وسى سالاداعى اسىل تۇقىمدى جىلقىلاردى ءوسىرۋدى ىنتالاندىرۋ ماقساتىندا جاسالىپ وتىر.
ەندى اسىل تۇقىمدى جانۋارلارعا تۇقىم ستاندارتىنا سايكەس كەلەتىن جانە زاڭنامادا بەلگىلەنگەن تارتىپپەن رەسپۋبليكالىق پالاتادا تىركەلگەن تازا تۇقىمدى جانۋارلار جاتقىزىلادى.
