Astana qalalyq sotynda Qairat Nūrtasqa qatysty äkımşılık qūqyqbūzuşylyq turaly ıs apelliasiialyq tärtıppen qaraldy. Sot şeşımı özgerıssız qaldy, dep habarlaidy “Adyrna” ūlttyq portaly.
Būǧan deiın äkımşılık qūqyqbūzuşylyqtar jönındegı mamandandyrylǧan audanaralyq sottyŋ qaulysymen Qairat Aidarbekov ūsaq būzaqylyq jasaǧany üşın 15 täulık merzımge äkımşılık qamauǧa alynǧan bolatyn.
"Bırınşı satydaǧy sot Qairat Aidarbekovtıŋ ūşaqtyŋ ışınde janjaldasu kezınde azamat B.-ǧa qol jūmsap, onyŋ densaulyǧyna jeŋıl ziian keltırıp, töbeles kezınde balaǧat sözder aitqanyn anyqtady. Qūqyqbūzuşynyŋ advokaty qaulymen kelıspei, 434-baptyŋ 2-bölıgı boiynşa şaǧymdanyp, sottan ıs jürgızudı toqtatudy sūrady", - dep jazylǧan mälımette.
Alaida sot mälımetınşe, qaulynyŋ küşın joiu üşın sebep anyqtalmaǧandyqtan, apelliasiianyŋ 9 şıldedegı qaulysymen bırınşı satydaǧy sottyŋ sot aktısı özgerıssız qalǧan.
Aita ketsek, änşı Almatydan Astanaǧa ūşatyn ūşaqtyŋ bortynda jolauşyny soqqyǧa jyǧyp, ūstalǧan edı.
Ūqsas jaŋalyqtar
