وقىماي وزعان فارماتسەۆت ادام ءومىرىن ۇزارتاتىن ءدارى ويلاپ تاپقان

4854
Adyrna.kz Telegram

قر بويىنشا گاندبولدان سەگىز دۇركىن چەمپيون، ەلىمىزدىڭ ەڭبەك سىڭىرگەن جاتتىقتىرۋشىسى، پارتيالىق وقۋ جۇيەسىنىڭ جوعارى ءبىلىمدى ساياساتكەرى، بايتۇرسەرۆيس جشس ءدارى-دارمەك ءوندىرۋشى جانە ەكسپورتتاۋشى دوسباەۆ تۇرعانباي بايجانۇلى "adyrna.kz" ۇلتتىق پورتالىنا سۇحبات بەردى. سۇبەلى سۇحباتتى دەرتىنە ەم ىزدەگەن قالىڭ كوپشىلىككە ۇسىنامىز.

- جالپى ءسىزدىڭ قر-نا ەڭبەك سىڭىرگەن جاتتىقتىرۋشى، قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ كافەدراسىنا 20 جىل قىزمەت ەتكەن ەڭبەكقور جان ەكەنىڭىزدەن حاباردارمىز. ۇيىمداستىرۋشىلىق قابىلەتىڭىزگە قانىقپىز. بىراق فارماتسەۆتيكاعا قالاي كەلدىڭىز؟

- اۋەلدەن ەڭبەك جولىمدى 1979-1980 جىلدارى قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ  اۋىلشارۋاشىلىق ستۋدەنتتەر وتريادىمەن جۇمىس جاساۋدان باستادىم. ءبىر ستۋدەنتتىڭ ءوزىڭ  باسقارۋ وڭاي دۇنيە ەمەس ەكەنى بەلگىلى. الايدا مەن جۇمىس بارىسىندا 34 مىڭ ستۋدەنت قاتىسقان بۇكىلالەمدىك اۋىلشارۋاشىلىق ستۋدەنتتەر وتريادىن (CCCH) استراحان وبلىسى، چەرنياەۆ اۋدانىندا باسقاردىم.   سول جەردە قازاقستاننىڭ كومانديرى بولدىم.  وسى اۋىلشارۋاشىلىق جۇمىستاردا قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ  قىزدارى 1-ورىندى جەڭىپ الىپ، ورتالىق كوميتەتتىڭ گراموتاسىمەن، اۋىسپالى قىزىل تۋىمەن ماراپاتتالدى. كوردىڭىز بە، ءسىز ايتقانداي مەندە قۇدايدان بەرىلگەن ۇيىمداستىرۋشىلىق قابىلەت بار. اگرانوم، دەنە شىنىقتىرۋ مۇعالىمى اتانىپ، ءدارى جاساۋشى مامانعا اينالۋىم اتا-بابامنان كەلە جاتقان باسقارۋشىلىق قابىلەتىمنىڭ بولۋىندا. ەكىنشىدەن،  رەسەيدەن اقسايعا سۋدى 15 مىڭ ادام ساتىپ الىپ جاتىر دەگەندى ەستىپ، اكىمگە باردىم. ماعان عيمارات بەرىڭىز، مەن ونى ءوز قاراجاتىما الايىن، 3 ايدا  سۋ شىعارايىن دەدىم. سالىق وسى باتىس قازاقستاندا قالادى، جۇمىس ورنى اشىلادى، سوندا جۇمىسشىلار ءوز ەلىمىزدىڭ سۋىن تۇتىناتىنىڭ تىلگە تيەك ەتىپ كەتتىم. اكىم "1 جىلدا سۋدى شىعارا الساڭدا ريزامىز" دەپ ارقامنان قاققان. الايدا ءوزىم ايتقانىمداي 3 ايدا سۋدى شىعارىپ شىقتىم. سول كەزدە ادام دەنساۋلىعىنا اسەر ەتەتىن ىشكەن سۋى مەن جەگەن تاماعى ەكەنىنە كوزىم جەتتى. وسىلايشا ماعان دەنساۋلىققا پايدالى ونىمدەردى ءوندىرۋ كەرەك ەكەنىن ءتۇسىندىم. اقىرىندا ماقساتىما جەتىپ، جۇمىسىمدى شقو قاتونقارايدان 6 كم ارى ورنالاسقان اقسۋ سوۆحوزىنان 1348 گەكتار جەر الىپ، دارىلىك شوپتەردىڭ ءتۇر-ءتۇرىن جيناۋمەن اينالىستىم. سەبەبى ناعىز دەنساۋلىققا پايدالى ونىمدەر قاتونقاراعايدا. اۋاسى ساف، تاۋلاردان، ورمان-كولدەردەن تۇراتىن كاتونقاراعايدىڭ جەرىندەگى شوپتەرىنىڭ ءوزى ادام جانىڭ دا ءتانىڭ دە ەمدەيتىندەي ەدى. وسىلايشا قىزىل كىتاپقا ەنگەن وسىمدىكتەردەن بيولوگيالىق بەلسەندى قوسپالاردى الدىم. بۇل جاقتا دارىلىك شوپتەردىڭ 180 ءتۇرى وسەدى ەكەن. تابيعاتتىڭ دايىن ونىمدەرىن پايدالانا وتىرىپ، «بايتۇرسەرۆيس» جشس قاتونقاراعايدان دارىلىك شيكىزاتتاردى وندىرەتىن جەكە بازاسىن قۇردىم. بۇگىنگى كۇنى ءبىز ويلاپ تاپقان 40 تان استام ونىمدەرىم بار.

- قازىرگى زاماندا ءتۇرلى جەلىلىك ماركەتينگپەن اينالىسۋشىلار كوبەيىپ كەتتى. نە مەملەكەت بەرگەن ارنايى رۇقساتى جوق، نە ليتسەنزياسى جوق، ايتەۋىر جەلەڭ سوزبەن ماقتاپ، پايداسىز ونىمدەرىن وتكىزۋدە. ءسىزدىڭ ونىمدەرىڭىز قانشالىقتى زاڭدى؟

- 2012 جىلدىڭ 16 مامىرىندا ءدارى-دارمەك، فيتو-شاي، بالزام، ەكستراكت-كاپسۋلالار وندىرۋگە مەملەكەتتىك سەرتيفيكات يەلەنگەنبىز. ياعني مەملەكەت تاراپىنان دارىلىك شيكىزاتتاردى وندىرۋگە جانە ساتۋعا رۇقساتىمىز بار. تىپتەن تاماقتانۋ اكادەمياسى ءبىزدىڭ ونىمدەرىڭىمىزدىڭ ساپاسىنا كەپىلدىك بەرگەن. ودان كەيىن 2015 جىلى جشس بايتۇرسەرۆيس "ونەركاسىپ كوشباسشىسى-2015" اتانىپ، توبەمىز ءبىر كوككە جەتكەن. جالپى وندىرىلگەن دارىلەرىمىزدىڭ ءبارى الەمدىك جانە IHI Alliance ستاندارتتارىنا ساي، حالال ونىمدەرىنىڭ جالپى شارتتارىنا سايكەس كەلەدى. بۇگىندە بايتۇرسەرۆيس مەملەكەتكە عانا شيكىزات تاراتۋشى ەمەس، ورتالىق ازيا جانە قىتاي حالىق رەسپۋبليكاسىنا دەيىن دايىن ونىمدەردى ەكسپورتتاۋشى. قان قىسىمىن، ديابەتتى ەمدەيتىن فيتو-شاي جانە قىزىل تامىر ەكستراكتالارى قازىرگى تاڭدا قىتايدىڭ لابوروتوريالىق سىناعىنان وتۋدە. ونىمەن قوسا قر-دا بايتۇرسەرۆيستىڭ ءوز جەكەمەنشىك جەرىندە وسەتىن  180 نەن استام دارىلىك شوپتەرىن ەكسپورتتاۋ قۇقىعىنا يە بولعان.

 

- جوعارىدا 40 دارىلىك شوپتەردى پايداعا اسىرىپ، ادام دەنساۋلىعىنا قاجەتتى ونىمدەر شىعاردىم دەپ ايتىپ كەتتىڭىز. ونىمدەرىڭىز قانشالىقتى پايدالى؟

- ماسەلەن، مەنىڭ قىزىل تامىردان جاسالعان ءشايىم بار. ونى ايدىن ايىمبەتوۆ عارىشقا ۇشقاندا ىشكەن. ول جۇرەك-قان تامىرلارىنىڭ جۇمىسىن رەتتەپ، ءزار شىعارۋدى قالىپقا كەلتىرەدى. يمۋنيتەتتى كوتەرىپ، ەركەكتىك كۇش-قۋاتتى ارتتىرادى. ال باعانادان بەرى ماقتاپ جاتقان «التىن تامىر» فيتو-شايى جۇيكە جۇيەسىن تىنىشتاندىرادى. سەبەبى ادام بويىنداعى بۇكىل دەرت كۇيزەلىستەن پايدا بولادى. ال "التىن تامىر" ادام ءومىرىن ۇزارتادى. ونىمەن قوسا فيتو-ءشايدى ءبىر رەت تاڭدا ىشسەڭىز، كۇنى بويى السىزدىكتەن ساقتايدى. «مارال تامىرى» - تابەتتى جاقسارتادى، كوڭىل-كۇيدى كوتەرىپ، شارشاۋ، تىتىركەنۋ سالدارىنىڭ الدىن الادى. «جان شيپا»- التسگەيمەر، پاركينسون اۋرۋلارىن ەمدەۋ ءۇشىن جانە بۇيرەكتىڭ قىزمەت ەتۋ بەلسەندىلىگىن جوعارىلاتۋ ءۇشىن ۇسىنىلادى. «تابيعي ورگانيكالىق كالتسي» - ادام اعزاسىنداعى كالتسيدىڭ جەتكىلىكتى مولشەردە بولۋىن قامتاماسىز ەتەدى. «ديابەتتى ەمدەۋشى» - قانداعى گليۋكوزالاردى ازايتىپ، ورنىنا ا، ۆ1, ك، رر، ۆ3 دارۋمەندەرىن تولتىرادى. «اتلانتيكۋم» كوسمەتيكالىق بالزامى - تۇيەنىڭ مايىنان جاسالعان. نەۆريت، پلەكسيتاح، راديكۋليت، يشيالگيا، بۋرسيت، وستەوحوندروز، پروتۋرزيا، جۇلىنداعى گرىجا، گەموروي اۋرۋلارىن ەمدەپ جازادى. «افروديتا» شامدارى - گينەكولوگيالىق اۋرۋلاردا، اتاپ ايتسام، ەروزيا، ميوما، قۇرساقتاعى قاتەرلى ىسىك، تۋربالاردىڭ قابىنۋى، تسيستيتكە ەم. «ماجۋني افلوتۋن» بالدان جاسالعان بالزام - قان قىسىمى تۇسكەن كەزدە قالىپقا كەلتىرىپ، قان ازدىققا سەپ بولادى. "تاۋ جيدەگى" 200 قىسىمدى از ۋاقىتتا 120-عا تۇسىرەدى. قانشاسى ايتىلماي قالدى. وزگە دە ادام دەنساۋلىعىن 100 % قالىپقا كەلتىرەتىن ونىمدەرىم بار.

- تاماشا! اتالعان ءدارى-دارمەكتەرىڭىزدىڭ ءبارىن العىم كەلىپ كەتتى عوي. ەمدىك شوپتەرىڭىزدىڭ قۋاتى سونداي مىقتى بولسا دا، جاھانعا جار سالىپ جاتقان جوقسىز. ونىڭ سەبەبى نەدە؟ جالپى جارنامانى نەگە جاسامايسىز؟

- وسى كۇنگە دەيىن بىردە-ءبىر جارنامامەن اينالىسپادىم. ونىڭ سەبەبى باستاعان ءىسىم اياعىنا دەيىن تولىق جەتپەي جاتىپ، جاھانعا جار سالعاندى قۋ جانىم سۇيمەيدى. باستاعان ءىسىڭدى جاريالاي بەرسەڭ، ول ەشقاشان ءوسىپ ونبەيدى. كەرىسىنشە ەڭبەگىم شىرقاۋ شىڭىنا جەتىپ، ءپىسىپ تۇرعاندا جارناماسىز-اق تانىلاتىنىنا سەنىمدىمىن. قازىر بىرنەشە ارماندارىم بار. سول ارماندارىما قول جەتكىزگەندە جارنامانىڭ سوڭىنان مەن ەمەس، كەرىسىنشە جارناما مەنىڭ سوڭىمنان جۇگىرەدى.

 

 

- ول قانداي ارمان بولدى ەكەن؟!

- العاشقى ارمانىم قازاق شيپاگەرلەرىنىڭ تاريحىنا نەگىزدەلگەن ۇلتتىق ەمشىلىك اۋرۋحانا اشۋ. وسى ءۇشىن قارجى جيناۋ ۇستىندەمىن. نەگىزى بولاشاقتا ءتورت وڭىردە «قازاق كلينيكاسى» دەگەن ات بەرىپ، ەمدەۋ ورتالىعىن اشسام ارمانىم بولماس ەدى. كلينيكانى اشۋ ءۇشىن زاماناۋي دارىگەرلىك كلينيكانىڭ مەملەكەتتىك لەتسەنزياسىن الۋ كەرەك ەدى. ءبىز الدىق. سونىمەن قاتار قازاق كليكاسىنىڭ  ەمدەۋ ورتالىعىن وقو-دا اقسۋكەنتتە اشىپ قويدىق. جاقسى جۇمىس جاساپ جاتىر. دەمەك العاشقى قادامدار جاسالدى. ونىمەن قوسا مەملەكەتتىك قازاق ەمشىلىگىمەن بىرگە زەرتتەۋ، ءدارى-دارمەك زەرتتەۋ بازاسى مەن قازاق ەمشىلىك دارىندارىن تاربيەلەۋ بازاسىن قۇرۋ نيەتىم بار. جانە ەمدەلۋى قيىن اۋرۋلارعا قاتىستى قىتاي تىلىندە «قازاق دارىگەرلىك شەجىرەسى»، «قازاق شيپاگەرلىگىنىڭ نازارلىق نەگىزى»، «قازاق شيپاگەرلىگىنىڭ تاريحى» اتتى اۋدارما جاسالعان 8 تومدىق ادەبيەتتەر شىعارۋ ويىمدا ءجۇر.

- "قازاق مەديتسيناسى" دەگەن بۇگىنگى تاڭدا كلينيكا جوق. سىزدەن ەستىپ قۋانىپ وتىرمىن. كلينيكا تۋرالى تولىعىراق ايتىپ بەرسەڭىز..

«قازاق ەمشىلىگى» شيپاحاناسىندا قازاق شيپاگەرلىگى جولىمەن ەمدەيتىن بولىمدەردى، اۋرۋ تۇرلەرىن جانە ەمدەۋ ادىستەرىن قىسقاشا تانىستىرىپ كەتەيىن.

1. ىشكى ايىقتىرۋ ءبولىمى: بۇل ءبولىم قازاق ەمشىلىگىن نەگىز ەتىپ، اسقازان، باۋىر، تىنىس جولى، قان اينالىم جۇيەسى، نەسەپ جولى، جەل-قۇز قاتارلى اۋرۋلاردى ەمدەۋدى قاراستىرادى. ەمحانامىزدا قازاق ەمشىلىگى جولدارىمەن جاسالعان دارىلەردى ىشكە قابىلداۋ جانە دەنەگە جابىستىرۋ ارقىلى ەمدەۋ جۇرگىزىلەدى.

2. وتاشىلىق ءبولىم: قازاق وتاشىلىعى ۇزاق تاريحي تاجىريبەگە يە. بۇل ءبولىم ءداستۇرلى داۋالاۋ ادىستەرىن پايدالانىپ ءتۇرلى سىنىق، ءسىڭىر ەتتەرىنىڭ زاقىمدالۋى، قول-اياق، مويىن، كوكىرەك، بەل ومىرتقا (بەلتىكتەۋلىك، قوربۋىن، شوربۋىن، سوربۋىن) اۋرۋلارىن ەمدەۋدە ەرەكشە ناتيجەگە قول جەتكىزىپ كەلەدى.

3. ايەلدەر ءبولىمى: ەمحانامىزداعى ايەلدەر اۋرۋى ءبولىمى وتىرما بۇلاۋ، قۇم بۇلاۋ، ماقساتتى تارتىلعى سەكىلدى ەمدەۋ شارالارىن قولدانىپ، كەلدىگور، جاتىر مويىنىنىڭ قابىنۋى، داس قۋىس قابىنۋى قاتارلى اۋرۋلارعا ەم جۇرگىزەدى. ەمدەۋ ءونىمى كورنەكتى ءارى وڭاي ادىسپەن جۇزەگە اسقاندىقتان، ناۋقاستاردىڭ قولداۋىنا يە بولدى.

4. بۇلاۋحانا(سۋىق تيۋگە قارسى ەم): بۇلاۋمەن ەمدەۋ. قازاق ءداستۇرلى ەمشىلىگىنىڭ ءبىر ءتۇرى. مۇنداعى ونىمدەر ساپالى، اعزاعا كەرى اسەرى جوق، تابيعي ءدارى شوپتەردەن جينالىپ، دەرت تۇرىنە بايلانىستى بەلگىلى مولشەردە قولدانۋعا بەرىلەدى. بۇل ادىسپەن جەل-قۇز، سوربۋىن، شوربۋىن، قوربۋىن قاتارلى اۋرۋلاردى ەمدەۋگە بولادى. بۇلاۋمەن ەمدەۋ ناۋقاستىڭ دەنساۋلىق جاعدايىنا قاراي بىرنەشە تۇرگە بولىنەدى.

5. قاپتەك ءبولىمى (تەرى اۋرۋلار ءبولىمى): بۇل ءبولىم قازاق ءداستۇرلى ەمشىلىگىن قولدانىپ، ىشكە جانە سىرتقا ءدارى قابىلداتۋ ارقىلى ءبىرشاما كۇردەلى تەرى اۋرۋلارىن ەمدەۋدە ەرەكشە ناتيجەگە قول جەتكىزۋدە.

6. قاندالما ءبولىمى (قان الۋ، ينە جانە دوڭقامەن ەمدەيتىن ءبولىم): بۇل قان قىسىمى جوعارىلاۋ، تاماق قابىنۋ قاتارلى ناۋقاستاردان قان الۋ ارقىلى جۇزەگە اساتىن ەم. مويىن، ارقا، بەل ومىرتقا، قول-اياق اۋرۋلارى، شوربۋىن، قوربۋىن، جۇيكە جۇيەسىنىڭ بۇزىلۋى، سالدانۋ دياگنوزىنداعى ناۋقاستاردى لوڭقا، قۇرعاق ينە، ىسقىمالاۋ، فيزيكالىق ەمدەۋ ارقىلى ساۋىقتىرادى.


- جالپى قازىر ادامدار اۋرۋحاناعا بارعىسى كەلمەيدى. تىرشىلىكتەن كوز اشپاي ءجۇرىپ، ءبىر كۇنى اۋرۋى اسقىنىپ كەتەدى. وسىنىڭ الدىن الۋ جولى بار ما؟!

- وسىنى ءوزىم دە ايتقالى وتىر ەدىم. مىسالى، ءسىز قوناقۇيگە نە دامحاناعا باردىڭىز دەپ ەلەستەتەيىكشى. ول جەردە سىزگە ءبىرىنشى كوفە، ءشاي نەمەسە كوكتەيل ۇسىنادى. بۇلاردىڭ ءبىرى قان قىسىمىن ءتۇسىرىپ جىبەرسە، ءبىرى قانداعى قانت مولشەرىن كوبەيتەدى. ءتىستىڭ سارعايۋىنا اكەپ سوقتىرادى. جالپى ايتا بەرسەڭ كوپ. وسىلاردىڭ ورنىنا مەنىڭ "تابيعي ورگانيكالىق كالتسيىمدى" كوكتەيل تۇرىندە ۇسىنسا دەيمىن. نەمەسە تاشكەنتتىك ءشايدىڭ ورنىنا جۇرەگى اۋىراتىن ادام بولسا جۇرەككە ارنالعان، بۇيرەگى اۋىرسا، بۇيرەككە ارنالعان شايىمە تاپسىرىس بەرسە، ادام دەنساۋلىعىن ەمدەيتىن ەدى. اۋرۋدىڭ الدىن الۋ دەگەن وسى.

- سونىمەن قاتار ءسىزدىڭ كىتاپ جازاتىنىڭىزدى دا ەستىپ ەدىك...

- جالپى ادام ءوزى قانداي بولسا اۋرۋى دا سونداي بولادى. ماسەلەن، ىزاقور، اشۋلانشاق ادامنىڭ باۋىرى اۋىرادى، نەمەسە ۇنەمى نە بولسا سودان شوشىنىپ جۇرەتىندەردىڭ ءوت جولى قابىنسا، بىرەۋدىڭ قامىن جەپ، ۇنەمى شىر-پىر بولىپ جۇرەتىندەر كوك باۋىر اۋرۋىمەن اۋىرادى، ءوزىنىڭ كوركىنە سەنىمسىز ايەلدەر ۇيقى بەزىنىڭ اۋرۋىنا ۇشىرايدى. مىنە، وسى سىندى دۇنيەلەر ءبىزدىڭ كىتابىمىز دا جازىلعان. ءبىز دەپ وتىرعانىم مەديتسينالىق ەمدەۋدىڭ الەم چەمپيونى، شىعىس مەديتسينانىڭ عۇلاما بىلگىرى، رەسپۋبليكالىق I-دارەجەلى كاسىبي حالىق ەمشىسى، جازۋشى سايد ءيۋلداشولى سايد ەرگاشولى قۇرايىش قاجى ءال ارابي.  بۇل كىسى ماعان ءوز باتاسىن بەرگەن. كىتابىمىز «ءداستۇرلى مەديتسيناعا نەگىزدەلگەن قازاق حالىق ەمشىلىگى» دەپ اتالادى. وسىنىڭ ءۇش تومدىعى بار. مۇندا حالىق ەمشىلىگىنە قاتىستى بار ماعلۇماتتار ەنگىزىلگەن. جۇيكەڭىز اۋىرسا ءۇي جاعدايىندا نە ىستەۋ كەرەك؟ نەمەسە باۋىرىڭىز نە سەبەپتى اۋىرادى؟ كوڭىل-كۇيدىڭ دەنساۋلىققا اسەرى؟- دەگەن سەكىلدى سۇراقتارعا جاۋاپتار بەرىلگەن. جالپى ايتقاندا بۇل كىتاپپەن ءجۇرىپ-تۇرعان ادامدار اۋىرماۋدىڭ قامىن جاسايدى.

- ءۇش بىردەي قاسيەتتى الىپ ءجۇرىپ، 40 ءتۇرلى ءدارى ويلاپ تاۋىپ، كىتاپ شىعارىپ، تۇرعانباي دوسباەۆ اتىنداعى بيزنەس تسەنتردى دە باسقارىپ وتىرسىز. وسىنشاما كۇش-قۋاتتى قايدان الدىڭىز؟!

- مەن ءبىر جاسىمنان اكەسىز ءوستىم. انام عانا بولدى. «اناسىز وسكەن تۇل جەتىم، اكەسىز وسكەن ەركە جەتىم» دەگەندەي ەركە جەتىم بولىپ ەر جەتتىم. ياعني مەنىڭ سەنەر ەشكىمىم جوق بولعان سوڭ اياققا ءوزىم تۇرۋىم كەرەك ەكەنىن ءتۇسىندىم. ءتۇسىندىم دە ەرتەڭىم ءۇشىن ارەكەت ەتتىم. ەگەر اناما عانا يەك ارتىپ جۇرگەندە بۇل ومىردە ەشكىم بولماس ەدىم. تاڭىرگە مىڭ شۇكىر! 4-سىنىپتى تامامداعاندا، ينتەرناتتا وقىدىم. ول جەردە ساباعىڭدى وقيسىڭ، كيىمىڭدى وزدەرى بەرەدى، تاماعىڭدى ىشەسىڭ، سپورتپەن شۇعىلداناسىڭ. ياعني مەن اسكەردە جۇرگەندەي تاربيە الىپ شىقتىم. ءارى بويىمداعى تالانتىم دا تىنىش جاتقىزبادى.

سءىز ءۇش جوعارعى وقۋ ورىن ءتامامداپ، گاندبولدان سەگىز دۇركىن قر چەمپيونى اتاندىڭىز، ۇكىمەت 3 بولمەلى ءۇي بەردى. قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ كافەدا مەڭگەرۋشىسى، كاسىپوداق كوميتەتىنىڭ توراعاسى بولدىڭىز. "ايكو" دەگەن سۋ شىعاردىڭىز. 

 

كەز-كەلگەن جەتىستىككە جەتكەن تۇلعا رەتىندە ادامزاتقا قانداي اقىل ايتاسىز؟

- بىرىنشىدەن، جۇمىس ىستەيسىڭ بە، بار ىنتا-شىنتاڭمەن، جانىڭمەن بەرىلىپ ىستە. وسى ءبىر جۇمىس ءۇشىن ۋاقىتىڭدى، بار ءساتىڭدى قۇربان ەتەتىندەي بول. سايكەسىنشە، جۇمىس تا ساعان ۇلكەن باقىت، تاۋسىلماس شاتتىق سىيلاۋى ءتيىس. ونداي بولماعان جاعدايدا ول جۇمىستان شىق! ادام بارلىق اۋرۋدى جۇمىس جاساۋدان تاۋىپ الاتىنىڭ ۇمىتپاۋى كەرەك.

 

 

سۇحباتتاسقان: اقگۇل ايداربەكوۆا

"ادىرنا" ۇلتتىق پورتالى

پىكىرلەر